Аькьлу буминнансса ишара

Аькьлу буминнансса ишара

Ибну Жубайрдуясса риваятраву бувсун бур кьурайшитурал жугьутIнахьхьун, хачпараснахьхьун ва МухIаммад Идавсихьхьун ﷺ суаллу буллусса куц.

ЖугьутIнахь гайннал цIувххуну бур: «Зун Мусал u цукунсса караматру ккаккан дуруна?» «Аьламатсса аьсав», – бувсун бур жугьутIнал. ЦIувххуну бур ххачпараснахь: «Исял u зун ци карамат ккаккан дуруна?»

Гайннал жаваб дуллуну дур: «Ганаща шайва увния шинай мурчIисса инсаннал яруннин чани бучIан буван ва ивкIума уттава уван». Яла кьурайшитал МухIаммад ИдавсичIан ﷺ бувкIун, увкуну бур: «Вила Заннайн дуаь дурну, Сафа зунтту мусийн кIура баян бува уча», – куну. Му чIумал Аллагьнал ﷻ Идавсийн ликкан бувну бур ва аят: «ХIакьну, ссавру ва аьрщи ляхъан давривугу, кьини ва хьхьу даххана шавривугу дуссар аькьлу буминнансса ишарарду» («Алу Имран» суралул 190-мур аят.)

Мяйжаннугу, Аллагь Тааьланал кьудрат тасттикь дуллай дур жула лагмасса тIабиаьтрал, дунияллул, аьламрал, амма жува муниял ялув чIявучин пикри къабувару. Укун дурусъсса низамрай дуниял-аьлам цийнура цурда дачин къабюхъайшиву аьлтта чIалачIисса иш бакъарив?!

МУСЛИМ МУСЛИМОВ

2026-09-01 (Рабиуль-Авваль 1448 ш.) №9.


Суал-жаваб

ХIан даххайсса тучандалуву бухгалтерну зун бучIиссарив? Мукунсса тучаннаву ва цаймигу хIанттия хайр ласласисса идарарттаву бухгалтерну ягу цайми къуллугъирттай зун ихтияр дакъассар, хIарамссар. Мунинсса далилнугу хъанахъиссар хIанттиха зузисса инсантурал ацIва журалий Идавсил ﷺ нааьна дурсса, имам...


ДакIнивусса загьру

ХьхьичIазаманнай ца душ щар хьуну, ласнал къатлуву ласнал ниттищал яхъанай бивкIун бур, ганиха къуллугъ буллай. Амма ласнал ниттил мудан ганий аьй-бювкьурду дуллай, яхI буван къабюхълай бивкIун бур. ХIукму бувну бур ласнал ниттин загьру буллуну дирчIан дуван.   Душ лавгун бур базаллуву...


Заннайн мютIисса кулпат

Кулпатрал оьрмулуву хъунмасса кIану бугьлагьиссар ласнал ва щарссанил дянивсса дакьаврил (гармониялул). Мунил хъунмур биялагу хъаннихьри. Ва макьалалуву бусанну цаппара маслихIатру, кулпат дакьаврил хIалданийн бучIан баву бигьа дуллалисса, цанчирча, мукунсса кулпатраву паракьатшиву, рахIатшиву ва...


Хъинсса тIул-тIабиаьтраясса калимарду

Хъинсса тIул-тIабиаьтран хас бувну буссар тамансса, мусил багьасса махъру. Шикку чичинну миннувасса цаппара, гъафлатравун дахьларгсса дакIру кIукIлу хьуну, хъинсса тIуллу дуллан кIункIу дуваншиврул:   МухIаммад Идавсихь ﷺ цIувххуссар: «Бусурманнава цала диндалуву яла узданма...


Нюжмар кьини дурну къахъинмур

Бусурмансса халкьуннал дур арулва гьантлий цал тикрал шайсса байран – нюжмар кьини. Му кьини бувсса хъинбалалух, эбадатрах цамур чIумалнияр гьарзасса чири шайссар. Муниятур нюжмар-кьини хъинбала-хъиншивуртту дуллай гьан дуван хIарачат буллан бикIайсса.   Му кьини дувайсса эбадатирттава...