Къатри щаллу дурунни
Къатри щаллу дурунни
Новостройрайсса ЦIуссаккуллал шяраву «Инсан» фондрал биялалийну дуллалисса къатри щаллу дурну, залухъруннайн тапшур дунни.
ЦукунчIавсса хIаллихшин дакъасса вагондалуву ялапар хъанахъисса Чаннанова Раян ва ванил оьрчIан къатри дуллай байбивхьуссия шин ва дачIиннул хьхьичI.
«ХIакьину шадсса кьини дур, мюхтажсса кулпатран къатри дурну щаллу хьунни. Барчаллагь чIарав бавцIуминнайн, кумаг бувминнайн», - увкунни И. ХIажибуттаевлул.
«Нагу ттула чулуха барчаллагь тIиссара вай къатри щаллу дуван кумаг бувминнайн. Аллагьнан ﷻ чIалачIиссар гьарцаманал дурмур. Хъинну ххариссара ттун ва ттул оьрчIан гьарзадрал щаллусса къатри хьунутIий», – увкунни къатлул залуннал.
Райондалул имамнал бувсуна захIматсса тагьарданувун багьманал чIарав бацIаврин Исламраву цукун хъунмасса кIану буллуну бушиву.
А. Сулайманов
