Шяравалу ядаву мурадрай

Шяравалу ядаву мурадрай

Шяравалу ядаву мурадрай

ТтурчIиял жяматрал делегация бувкIунни Лакрал райондалийн. Бусравсса хъамал кьамулгу бувну, вайннал дакIниймургу лалавсунни Лакрал райондалул бакIчи Юсуп МахIаммадовлул. Хьунабакьаврил мурад бия 1944-ку шинал Лакрал ва Ккуллал райондайсса цаймигу шяраваллавух жямат бизан бувсса ТтурчIиял шяравалу Дагъусттаннал культуралул ирсирал объектирдавун дагьан даву.

 

ТтурчIиял жяматрал вакилтурал тавакъю бувна райондалул бакIчинахь ва масъалалун кабакьу бан. Юсуп МахIаммадовлул хъинчулий ккавккуна вайннал сипта ва райондалул администрациялул чулуха чирчуна хасъсса обращение Дагъусттаннал культуралул ирс ябаврил агентствалийн. Чагъарданий кIицI лавгуна ТтурчIиял шяраваллил тарих аьвзал заманная шихунмай нанисса бушиву. Мунин барашинна дуллай бур 20-мур ттуршукулул дайдихьулий археологтуран шяраву лявкъусса нукIузаманнул ярагъуннил. ЦIанасса чIумал ми Санкт-Петербурглив ПаччахIлугърал Эрмитажраву ябуллай бур. Му бакъассагу, хьхьичIарасса ТтурчIиял хIатталлив тарихчи Ильяс Къаяевлун лявкъуну бур Гъази-Гъумучиял хантурал кIалабарзру. Дагъусттаннал тарихрава жунма кIулли Дагъусттаннал халкьуннал Надир-шагьлущалсса агьаммур талатаву ТтурчIайнна-зунттуй хьушиву ва микку жула халкьуннал душман ххит увшиву. Бусаларду бур шикку Надир-шагьлул цала хъямала дурсса арцу-муси ладиртшиврия. Миннуйн тамахIрайссаннал ТтурчIиял зумакъирагърайсса кIанттурду мудан бихлай бур. 80 шинал лажиндарай лекьлай диркIсса ТтурчIиял шяравалу ва лагма-ялттусса кIанттурду щилчIав ябуллай бакъар. Шикку канаки буллай бур ятту-гъаттара, дихлай бур аьрщи, занай бур туристътал, шяравалу чапал дуллай бур.

Вай гьарзат кIицI лавгун бур райондалул бакIчинал агентствалийнсса тавакъюраву. Вайксса шинну ларгун дунугу, ТтурчIиял жямат ччя-ччяни бияй кьариртсса шяравун. ХIарачат буллай бур кIиккусса къатри ядуван.

ТтурчIиял жяматрал цIания Юсуп ХIамидовичлухь ва мунал хъиривчувтурахь дакIнийхтуну барчаллагь тIий ур Зайнулла Мирзоев. Жяматрал мукунма барчаллагь увкуна Ибрагьим Мирзоевлухь ва пикри дакIнингу бувтун, гихунмай ци зунссарив бувсъсса.

 

2026-08-01 (Сафар 1448 ш.) №8.


Мавлудрал барз

Рабиуль-авваль – бусурманнал календарьданул шамулчинмур барзри. Ва ккаллиссар яла агьаммий зурдардивасса цану. Жунма кIулсса куццуй, Рабиуль-авваль барз барачат хьуссар Аллагьнал ﷻ махъа-махъсса Илчи ﷺ, жуна ххирасса МухIаммад Идавс ﷺ дунияллийн уккаврийну. Идавс ﷺ халкьуннан рахIмуну,...


Бархъаллал Маллайл шеъри

"Мажму́аьтул-аьша́р" тIисса луттирава. Бишлашиссар луттираву бусса куццуй.     Бисмиллягьи-ррахIмани-ррахIим.   МарцIну вичIи дишара, я диндалул уссурвал, Жула Сайид Идавсил сиярдалул бусаннин. Арулдагу лухччигу, арулдагу ссавругу Цахлуну ляхъан дурсса ХIабибуллагь...


25-ва тикрал бува

Маэшат гьарта хьуншиврул ишла бувайсса багьантту цIухлалими чан къашай. Миннувату яла агьаммур, гьанумур цила чIумал ххювагу чак бавури, циняр шартIру, рукнурду, адабругу щаллу дурну, хъирив дуккайсса азкардугу дурккуну.   Мукунма, маэшат гьарза хьуншиврул хъинссар зухIа-чак баву, шанан утту...


ТалихI ссаву буссар?

Циняв муния гъалгъа тIун бикIай, циняв муничIан кIункIу тIий бур, амма инсаннахь инава луглагимур бувчIин бува учирча, балжисса жаваб дулунма нажагьгу къалякъай.   Пикри бувара, инсан ур ца ххирасса ххазиналух луглай, амма му чув лабивтун буссарив, цукунсса буссарив къакIулну. Му хьхьичIунай...


Вихьлив оьрчIру ттуплий бувккунни

Вихьлив хьунни Ккуллал райондалий дарсирдайн мизитирттавун бучIайсса оьрчIал дянивсса футболданул турнир.   Ванил агьаммур мурад бия оьрчIал дянивсса дусшиву цIакь даву ва спортрах гъира бутаву. Турнирданул сиптачиталну бувккунни «Ккуллал райондалул жагьилтал» тIисса ккурандалул каялувчи...