ЦIУССА ХАВАРДУ

Жагьилтурал батIавуртту

Уттигъанну МахIачкъалалив «Ассафра» цIанилусса чIатIаракI ритултрал клубраву «Лакрал жагьилтурал ккурандалул» биялалийну хьунни жагьилтурал батIавуртту.

«Лакрал жагьилтурал ккурандалул» каялувчи МухIаммадманнар Бариевлул бувсуна цала дуллалисса давурттая ва батIаврил мурадрая. Баян бувуна гьарца шяраву цала чулухасса вакил итантIишиву ва укунсса мажлисру гьарца лакрал шяраваллил жагьилтуращал бувантIишиву. Клубравун бавтIминнал дянив чIатIаракI ритаврил бяст-ччаллу бувуна. Ритлай байбишиннин, ккуртта цалчин канил бувгьуминнангу, магьирну ритайминнангу кутIасса инструктаж бувуна.

Исламраву чIатIаракI ритаву ца яла хъинмур дялахъруну ккалли дурну дур. Мяйжаннугу, вай турнирду жагьилтуран хъинну тамашасса дялахъруну хьуна. Хаснува ттинин ккуртта канил къабувгьуминнахьхьун ихтияр дуллуна бяст-ччаллануву гьуртту къавхьуну, укунна бизар лиххан чIатIаракI ритан. Цайнма яржа бияннин ялугьлагьиминнан ва риртун къуртал хьуминнан тIивтIуну бия чяй ва нацIу-кьацIу дирхьусса супрарду. Турнирдаву гьуртту хьуминнавух жагьилтал бакъа, оьрмулул хъунимигу, мюрщисса оьрчIругу чансса бакъая. Клубравусса хIал-тагьаргу рахIатсса, хIалашиврун ва ихтилатран даркьусса дия. Турнирдай хьхьичIунсса кIантту бувгьуминнан бахшишру дуллуна. ХьхьичIунсса кIантту шанма бакъа къабивкIхьурчагу, шикку ух хьусса цавагу акъая.

Лакрал жяматрал зияратру

Мартрал 21-нний лакрал жямат бивунни Ялувмур Къазанищлив. Шиккун бучIаврил мурадгу бия машгьрусса шайх Сайфуллагь-кьади БашларовлучIан зиярат баву.

Ва кьини зияратрайн бувкIуна Лакрал, Ккуллал, ЦIуссалакрал райондаясса ва шагьрурдаясса агьали, райондал ва шяраваллал имамтал хьхьичIунну. К ъ а з а н и щ у л л а л хIатталлив бувччуну бур цаймигу машгьурсса аьлимтал ва усттазтал, хаснува Аьсаблиясса МухIаммад Афанди Яъсуби ва КьахIиблиясса М у х I а м м а д а ь р и ф Афанди. Барачатран Сайфуллагь-кьадинал щаращуя щингу хIарчIун, зияратрай кьулгьу-дуаьгу дурну, циняв бивуна Чиркейлив – шайх Саид-афандинал зияратрайн.

И. ОЬМАРОВ