25-ва тикрал бува
Маэшат гьарта хьуншиврул ишла бувайсса багьантту цIухлалими чан къашай. Миннувату яла агьаммур, гьанумур цила чIумал ххювагу чак бавури, циняр шартIру, рукнурду, адабругу щаллу дурну, хъирив дуккайсса азкардугу дурккуну.
Мукунма, маэшат гьарза хьуншиврул хъинссар зухIа-чак баву, шанан утту бишиннин сура «Вакиаьт», «Мульк», «Музаммиль», «Лайл» ва «ШархI» буккаву.
Диндалул луттирдаву ва дуаь дуккавугу хъинссар куну бур:
اَللَّهمَّ أغْنِنِي بِحَلاَلِكَ عَنْ حَرَامِكَ وَاكْفِنِي بِفَضْلِكَ عَمَّنْ سِوَاكَ
«Алла́гьумма агънини́ бихIа-ла́лика аьн хIара́мика вакфини́ бифазлика аьмман сива́к». Ва дуаь хаснура нюжмар чаклил хъирив 70-лла ягу 100-лла дуккаву хъинссар.
Аьли ибн АьбдурахIманнул «Ламъаьту-н-нур» тIисса луттираву чивчуну бур: «Хъус-маэшат гьарза хьуншиврул дувайсса ца савав хъанахъиссар гьарца кьини 25-лла ва дуаь дуккаву:
وهب لي يا وهاب علماً وحكمة، وللرزق يا رزاق، كن لي مُسَهِّلاً
«Вагьаб ли́ я́ Вагьгьа́бу элман ва хIикматан, ва ли-рризкьи я Разза́кьу кун ли Мусагьгьилян»
Цаппара аьлимтурал тIимунийн бувну, ва дуаь зухIа-чаклил гьарца суждалуву 7-лла дуккаву хъинссар.
Ялагу хъинссар акбар учайхтува мизитравун лагаву ва кIюрххил-чаклил хьхьичIсса ссуннат-чак баву.
ЧIявуну «Ля́ хIавла ва ля́ къуввата илля би-Лля́гь» учавугу хъинссар, хаснува кьинилун 313-лла.
لاَ حَوْلَ وَلاَ قُوَّة إِلاَّ باللهِ الْعَلِيِّ الْعَظِيمِ
