Ваччав – хъаннинсса шадлугъ

Ваччав – хъаннинсса шадлугъ

Июль зурул 21-нний Ваччиял шяраву хьунни Муфтиятрал хъаннил просвещениялул отделданул сакин бувсса мажлис. Шикку гьуртту хьунни отделданул каялувчи Загьра Исмаилова ва МахIачкъалалиясса хъамал.

Мажлис байбивхьуна Кьуръандалул аятру бувккуну. Хъирив вяъза-насихIат бувуна Ккуллал райондалул имам МухIаммад-маннар Бариевлул. Ванал бувсуна гъан-маччаминнащал дахIаву цIакь даврил агьамшивруя ва халкьуннал дянивсса багьу-бизулул адаврая.

Яла махъ лавхъуна Муфтиятрал хъаннил отделданул хъунмамур Загьра Исмаиловал. Ккуллал райондалул хъаннихь ванил бувсуна Исламраву хъамитайпалун цукун лавайсса кIану ккаккан бувну буссарив.

Гихунмай махъру лавхъминналгу агьамсса масаларду гьаз бувуна, лакку мазрай нашидру ва мавлудру дурккуна, викторина дурну бахшишру дуллуна.

Х. Аьбдуллаева

2026-08-01 (Сафар 1448 ш.) №8.


Лелуххул эбрат

Щейх Ибрагьим Адгьам ивкIссар Шакьикь Балхил усттазну. Ца кьини Шакикь цала щейхначIан увкIун, бувсун бур цува хIалтIилухун ачин хIадур хъанай ушиву.   – Жува хьунабакьиннин цаппара барзру гьантIиссар! – увкуну бур ганал. Амма кIива-шанма гьантлува Ибрагьим Адгьамлун ккавккун ур...


Гъази-Гъумучиял щейх Абу Оьбайда

НицIавкIратусса щейх Сайфуллагь-Кьади Башларовлул «Сабат» ва «Мактубат» тIисса луттирдаву кIицI ларгун дур Сайид Абу Оьбайда бин Сайид Нуруддин аль-ХIусайни аль-Гъумуки ад-Дагъистани тIисса цIа. Шичча мяйжан хъанай бур Абу Оьбайда Гъумучатусса, МухIаммад Идавсил ﷺ душнил...


Мурахас хьусса цучIав акъассар

Инсан цуксса дин дусса, иман цIакьсса ухьурчагу, оьрму щаллу буваншиврул ганан чара бакъа аьркинссар лякъин хъус, дукия, цува дузал увансса маэшат буллан. Цува ва цала кулпат щаллу баву – цумацагу бусурманчунал буржри, чак, зума ва цаймигу диндалул тIалавшиннарду куннасса.   Дунияллул...


МухIаммад Идавсил ﷺ оьрмулия

Идавс ﷺ дунияллийн увкун, мунал ниттин Аминатлун ккарккун дур муная нанисса нур, лагмамур чаннагу дурну марцI дуккан дуллалисса.   Ца ппурттуву чIавасса МухIаммад ﷺ оьрчIащал тIуркIу тIий уна, муначIан увкIун малаик Жабраил, тIитIин бувну Идавсил ﷺ хъазам, мунал къюкI мусил тIясраву зам-зам...


ТалихI ссаву буссар?

Циняв муния гъалгъа тIун бикIай, циняв муничIан кIункIу тIий бур, амма инсаннахь инава луглагимур бувчIин бува учирча, балжисса жаваб дулунма нажагьгу къалякъай.   Пикри бувара, инсан ур ца ххирасса ххазиналух луглай, амма му чув лабивтун буссарив, цукунсса буссарив къакIулну. Му хьхьичIунай...