Барча хьуннав Кьурбан-байран!

Барча хьуннав Кьурбан-байран!

Дагъусттаннал Муфтий, республикалул аьлимтурал советрал председатель шейх АхIмадафандинал барча бувунни бусурман агьали Кьурбан-байрандалущал

Ххирасса уссурвал ва ссурвал! Щукру Заннайн, жува вай гьантрайнин яхьун бивтун, ца яла хъуннамур ва бюхттулмур кьини – Кьурбан-байран хьуна дакьаврия ххаришиву дуллан нясив бувсса!

Вай агьамсса кьинирду дурцIуну дур цIимилул, кумаграл ва дазу-зума дакъа Заннайн мютIийшиврул. Вай гьантрай щала дунияллул бусурманнал Кьурбанну бивххун, диндалул тIалавшинна биттур дувайссар. Кьурбан-байрандалул муъминтал цачIун бувну, миннал дакIурдиву тарбия дувайссар куннал кунначIансса ччаву, уссушиву, цашиву. Му бакъассагу, ва байрандалийну къуртал шайссар Маккалив хIаж баву. ХIайп, гьашинугу жущава къабювхъунни та мубараксса аьрщарайн биян.

Аллагьнайн ﷻ умуд бур ялунчIил мукунсса сант, каши, мажал хьуншиву. Аллагьнахь чIа тIий ура къашавайми хъин шаву, дунияллул ялун дирсса азардания цинявппагу буруччаву. Жува бувсса Кьурбанну, цадакьарду кьамулну лякъиннав. Аллагьнал жулва бунагьру багъишла битаннав, дакIру ва пикрирду марцI буваннав, бувсса хъинбалардал чири гьарза хьуннав. Ххирасса уссурвал ва ссурвал, чIа тIий ура дакьаву, цIуллушиву, Заннал цIими. Барча хьуннав Кьурбан-байран!

2026-08-01 (Сафар 1448 ш.) №8.


Ссятрал мутталий дурсса эбадатраяр ххирасса махъру

Дунияллийсса оьрму Аллагьу Тааьланал жунма буллуну бур Цала рязишиву тIалав дуллай, цIимилийн умуд бивхьуну яхъананшиврул. Аллагьнал, жува ххирану, мурадру щаллу бавугу бигьа бувну бур. Цала ИдавсийхчIин ﷺ Заннал жунма баян бувну бур цумирив хъунмасса чири хьуншиврул дувайсса бигьасса эбадатру....


Къатлуву барачат

Бур ца-цавай къатри, личIину авадансса ва хъуслил бувцIусса бакъахьурчагу, гиву бигьану ссихI ласун шайсса, дакI дигьа лагайсса. Гивун буххайхту кIул шай: шиву рахIатшиву, барачат, гъелишиву дур. Мукунма, хьунабакьай цаймигу – ххирасса хъус-кьайлул бувцIусса, марцIшиврул пар-пар тIисса, амма...


ХIакьсса мяърипат

ЦIанасса социал сетирдал заманнай сакин хьуну бур аьжаивсса масала: жула дакIнил энергия кьатIурдай дурган дурну, цайминнайх дарчIуну, кулпатран так увхсса, ссахчIав гъира бакъасса инсан личIлай ур. Мукунсса тагьарданул кулпатраву тIааьндакъашивуртту чIяру дуллай дур, лас ва щар кунная ку арх...


Аькьлукар ва халиф

Халиф Гьарун Рашидлул заманнай ивкIун ур Багьлюль тIисса салихIсса аькьлукар. Халиф чIун-чIумуй ганащал хьунаавкьуну ихтилат бувайсса бивкIун бур. Гьаруннул хъярч бувсса чIумалгу Багьлюллул хъинну аькьилсса жавабру дулайсса диркIун дур.   Ца кьини халифнал Багьлюль цачIана учIан увну,...


Бархъаллал Маллайл шеъри

"Мажму́аьтул-аьша́р" тIисса луттирава. Бишлашиссар луттираву бусса куццуй.     Бисмиллягьи-ррахIмани-ррахIим.   МарцIну вичIи дишара, я диндалул уссурвал, Жула Сайид Идавсил сиярдалул бусаннин. Арулдагу лухччигу, арулдагу ссавругу Цахлуну ляхъан дурсса ХIабибуллагь...