Бугъ’ятуль суълук – Пакьирнал мурад
Бугъ’ятуль суълук – Пакьирнал мурад
(дайдихьу хьхьичIсса номердай)
Чурххал дур карчIаншиврий оьттуйну макьгу рутIлай, Чил хIукьукьирттавату уккаву аьркинссари. Фираьвнийсса нафсирал кIилчингу хъяврин къаан, Уккан къабюхъайминнал хIалалшиву ччиссари. ХIукьукьру ялув буна ина дайсса тIааьтру НахIакь байсса захIматри, мюнпат бакъа гьайссари. Машиятрайн къабувтун, къабаврий дакI дарцIуну, Лавгсса оькки аьмаллай даина аьтIавури. Вай шурутIирттал дянив махъмигу духхайссари, Заннал тавфикь дуллума хъинну даим шайссари. Му куццуйсса аьхIдирай Заннахлуну авцIунан Мунал дур сайиатру хIасанатру шайссари. Нажагьлий апатI хьуну, бунагьравун агьарча, Хузуърал хъагу дуртун, щейхнахь бусан аьркинссар. Мунил тIабиб устарди, дардирдан дарман байсса. Мунал сирру ххазинар, хIисаврагу дакъассар. Щейхнайн умуд бивхьуну, тажавуз чIа учайни Адаб хъинну дуручча, янилату агьайссар. БакIрай-ччаннай зад дакъа, хIакьирсса гьайатращал РахIмат къаликкай ккаккан къапулий ацIан ччиссар. Ка цанний ца дирхьуну, мигу дакIний дирхьуну, Дарвач гъавгъсса бакIращал цIими чIа тIун аьркинссар. ДакIгу Заннан дуллуну, устар хьхьичI ацIан увну, Оьттуйну лукьма буллай, имдад чIа тIун ялувссар. КIирисса макьгу дутIлай, ккавкнан язухъ шай куццуй, Винна жаваб дукканнин ччаннай ацIан аьркинссар. Щейх – даражалул заллур, ЗанначIа кьамулмари, Сааьдат идрат хьуну, жаваб дуккан бучIиссар. Заннал ризарайн хьулну, му инара дурсса аьхIд Журъат дурну барт дигьа, мурад бартлагантIиссар. Аммара гъагъан бувну ина ижтигьад дарча, Ижтигьадирал самрат – мавгьаб хIасул шайссари. Яла ялун бияйссар аьжаивсса ахIваллу, Микку кIул шай элмулийн «элму-лладуний» чайссар. Завкьирайну бакъасса буслай кIул бан къашайсса, Сиррулул хаварикьру ялун личлан бикIайссар. Нажагьлий сааьдатрал камалул-фана хьурча, Вусулун-сарманийну мунийн эбарат чайссар. ХIасул хьуссар сааьдат, дуллуссари башарат, Файз чайсса вай хIалдайнни, сифат дуван къашайссар. Кашфу-караматрайну микку хъяврин машара, КамилначIа карамат хIайзирайн хIисав дайссар. Микку мунан аьркинни хIаялий аьмал буван, Ашрафмур манзил мури, Заннан хъинну ххирассар. Накьшубандрал шайхтуран тасарруфатру дуссар, Хъиннува аьжаивсса, хъунисса хIаллу буссар. Ца мурадрайн кьаст дурну, мунал гьиммат жям барча, ГьиматрацIун бавкьуну мурадгу хIасул шайссар. ТIалибнаву асар бан, оьшиву дафъоь дуван, Аьсинайн тавба дулун, миннахь малака дуссар. Арамтурал дакIурдин цала мухIиббат дуккан, Агьлу-Ллагьнал нисбатрайн тIайлану аьлтту шайссар. Уттавами, ливтIуми хаватIирду тIитIаву, Мустакьбал кашфу шаву миннан загьирну шайссар.
(гихунмайгу буссар)
