Бугъ’ятуль сааьлук – Пакьирнал мурад
Бугъ’ятуль сааьлук – Пакьирнал мурад
(дайдихьу хьхьичIми номердай)
ДакI дацIа, ихлас дува, мазурнал таъмин баврий,
Аллагьнал фазлулийну дуаь кьамул дувайссар.
Са́биъмур – ихласращал Фа́тихIа буккавури,
Ягу оьшру буккаву, хьхьичIавагу ва лавгссар.
Яла ивзун булунссар мазурнайн вила ссалам,
ВайнначIа маъму́рмуний насрулуву вихь бувсъссар.
Дуньявий-ухравийсса амру бигьа дува тIий,
Миккугу хузуърайну винма цIими чIа чинссар.
Миккугу ссалам була гьар хьулучIан ивукун,
Кьулгьу-алхIам бувккуну, хьхьичIва бувсъсса кунмари.
Яла зана икIанссар адабрай цала кIанайн,
Хъярч-тIуркIулийн кьаст дакъа, адабирай учIанссар.
Ва на чивчусса сурат зияратрал адабрур,
Муваффакьсса чурххиран ванилгу файз дулайссар.
Мяйлучинмур ада́брал сулукрал суратравур
Каза́ мужа́гьадалув, бусанна вичIи диша.
Мунин анва́ъру буссар, мукьтаза́лун лавхьхьусса,
Ма́-сива́-Ллагьраяту ният марцIну байбиша.
Дуньявий-ухравийсса, загьирий-батIинийсса,
Кьурбу, фатIу, вила́ят, Зал акъа цамур хIаша́.
Нажагьлий агъярдая вин цичIав аьриз хьурча,
Тавба-истигъфарданий яла гьан дува гъиша́.
КIилчинмур навъ гъуслури тавбалул гъуслулийну,
Гьарца бунагьраяту, каза́ мин кулли фахIша́.
Тавбалул саля́т бува, дуньяллия хьул личIа,
Зана къаикIай куццуй, мавзуаьн аьла́ наъша́.
Гьар нафас ккалли бувну, ахир нафасри ва тIий,
Гъафлатрай був нафасрай бивкIулул къабан дахIша́.
Пайдалул хьун бюхъайни аьдада оьмру гьарча,
ХIазир ажал хьуну махъ дакъассар сива дагьша́.
Вузуърай даим шаву, са́лисмур навъ адабрал,
Ра́биъмур даим зикру, гъафлат дакъа му кIулша.
Хьхьуниву-кьинилуву тазарруъ инкисардай,
Гарица ахIвалданий, каза́ хIи́на ма́ маша́.
Ххюйлчинмур навъ идманни, вукьфул кьалбирайну,
ХIатта филь-халаърайгу къахьун Зал акъа пиша.
Ряхчинмур нафью бавур хава́тIирду дакIния,
Ухра́вийсса бунугу, сива́лулли вин вахIша́.
Сабиъмур гьарца чIумал дакIнил даим тIалабри,
Дава́мрай дагьшат къахьун дакI дува Заннайн аьрша́.
Мяйчинмур дакI дахIавур муршиднал кьалбирацIун,
Инфика́б къашай куццуй истифа́залун манша́.
Та́сиъмур калам чан баву, му́жибу шаръ бакъамур.
Аьшир тIааьм чан бавур, басират къахьун аъша́.
АцIния цалчинмур навъ – чурххал шану чан бавур,
Ччан тIитIи бавкьу шану ккалли байсса му гъаща́.
ХIузур мушагьадалул адабрая агьайссар,
Файзирайн махIрум увну личIайссар муртаэша́.
АцIния кIилучинмур гьарзадрая оьзлатри,
Гъафул муриднаягу гъафлатри мугу кIулша.
Гъафилнал гъафлатшиву дакIнин инъика́с хьуну,
Васвасат тафри́кьатрайн му шайссар микку манша́.
АцIния шамулчинмур марцIсса хIалал лукьмари
МарцIнал къабув тIааьмрал аь́риз дайссар ташвиша́.
Даиран шифа́ шайсса, хIузур лазим дувайсса,
МарцIнал буллу лукьмалул манфу́с маъю́н бакъасса.
Гъафлат ялун къадиян адабрайну дукавур,
ДакIнил хIузур ва гъафлат лукьмалуятур шайсса.
Миннул ялун дуккирча силсилатун шари́фа,
РахIматран сабаб шайссар, ба́тIин нураний шайссар.
Бюхъарча даим дукки, миннан тавассул бува,
Истимдад тIалаб дуллай аммара ккуччу бансса.
АцIния мукьулчинмур кьатIъоь назар дувавур,
Гьарца макьсудраяту ма сива Ллагь акъасса.
Гьиммат хIирс буваврищал таслим бабравн уххавур,
Гьарзад хъама дитарча, оьбудият дакъасса.
АцIния ххюлучинмур – ниятул иттиба́ъри,
Аьмалдал жузъурдаву мурадрайн кьаст дакъасса.
Мурадрал Мурад ччарча, Мурад цува гъаюрди,
Ширкатрай муаьмала тачIав кьамул къабайсса.
Ва навэраятури эшаъйн ихъIяъ даву,
Мукунна тIулу́эйнгу файзиран сабаб шайсса.
Каза́ тагьажжуд, зухIа́, ишра́кьгу, авваби́нгу,
Вузу́ърай даим шаву ла́зимри бадагьийсса.
АцIния ряххулчинмур вужу́д нафью дувавур,
Вужуд анани́ятри, дума камил къашайсса.
Мугу нафью къашайссар дуниял вин ччиссаксса,
Ва ччишиву апатри, гьар хатIи́атрал бакIсса.
Мунихлуну аьркинни цала нафс рагъму буван,
Яла цIакь бан аьркинни таманни́ бивкIулийнсса.
АцIния арулчинмур – цана цува ххал шавур
ХIабсиран важиб хьусса ккаччину жиндрал хьусса.
Халкьуннан изаъ байсса ккаччи куна ххал хьувкун,
Ихласрал кьанкь рищайссар, мурадрал сабаб шайссар.
АцIния мяйучинмур – цала умуд кьукьавур
Заннал фазлу къахьурча ража́ъран зад дакъасса.
Цала оьшиврин цала су́у-занну буванссар,
Цала ххуймур аьмалгу марду́дну чIалачIисса.
Нажагьлий ккалли барча дакIнийну цала аьмал,
Хьуссара микку муфлис, миккур къатта ччуччайсса.
(гихунмайгу буссар)
