Бугъ’ятуль сааьлук – Пакьирнал мурад
Бугъ’ятуль сааьлук – Пакьирнал мурад
(дайдихьу хьхьичIми номердай)
Микку учинниссари нафсирахь хитIаб дурну,
Лайкь акъарахха Заллу, цукун чиви на вихь чIа?
МатIлубмур бур аьзизсса, макьсуд хъинну на́фи́сса,
Лайкь акъана муфлисну ацIанна Вил хьулучIа.
Шайхнал тIимур бачин бан гьунар бакъу унугу,
РахIматрайн мунтазирну ацIанна талибначIа.
Миннахасса ташаббугь ттун сааьдат гьари тIий,
Нагу кьамул а Зал тIий, цIими ликкай кьюкьлучIа.
ХIабибналмур хIулви́ри, махIбу́бналмур маргьамри,
Аьйнул мурад Аллагьри, вайли́ назар кьукьирча.
ЛатIи́фарттал кайфи́ят насрулуву бусарду,
Шиккугу кIицI лаганна, хIифзран ва бигьассари.
Кьалбирай Аллагь ку лафз жирья́н мула́хIазалий,
Жава́рихIру забтI бувну, зикру Аллагь Аллагьри.
Ихтияр салбу дурну, щалва жасадраяту,
Ва вихь кIицI лавг зикрулин «латIи́фатул кьалб» чайссар.
ЛатIи́фалул нур дуркIун катфулул хIиза́ърая
Ягу аьъла́ шайссари, я ихтила́ж шайссари.
КIива кIисса бивхьусса урчIамул ккуккулуву
Му вукьуфрай зикрулийн рухIрай талкьин байссари.
Мунивусса зикругу, дакIнивусса вукьуфгу,
КIира тарафрайн назар цал урувгун шайссари.
Циву хIаракат дагьну, машгъул хьусса зикрулин
ЛатIи́фату сиррилий мунин талкьи́н байссари.
КIива кIисса бивхьусса кия ккуккулул ялув
Вукьуфрайн ва зикрулийн сиррилий машгьурссари.
Яла машгъул хьу зикру урчIа ккуккулул ялув
КIива кIисса бивхьусса хафи́ тIий латIи́фари.
Яла талкьин буварча вастIу садрилияту
Микку байсса зикрулин ахфа́лий цIа учайссар.
Ма байнал аьйнайндалий буллалисса зикрулин
ЛатIи́фату нафс чайссар, ххирасса латIи́фари.
Вукьуф бастI дурну мукьах гьарица ажзаъраву
Щалва чурххал був зикри латIи́фатул жасадри.
Ихтилажрал латIи́фрай якьзату танаббугьрай,
Гьарзадрайн аьм хьу чIумал султIану зикри чайри.
Микку булайсса зикру мурши́днал амрулийри,
Муриднал истиъда́драй аьдад таъйин дайссари.
Исму жала́латрайну хьхьу ва кьини бай зикру,
Акьаллул аьдад мури – ххюазарва байссари.
Саликнан аксар аьдад кьуния ххюазарар,
Аксармур аьдадрайннив хIасругу дакъассари.
Хьхьу-кьини ххюазара ца мажлисрайну баву,
Шамила дуруснугу, афзалмур цал бавури.
Ва кIицI лавгсса суратрай латIи́фартту марцI бувкун,
Нафью исбатрай мунан шайхнал талкьи́н данссари.
ХатIа́ратру дафоь дан агьаммур ва бунутIий,
Баян баву аьркинни камилсса кайфиятрай.
Гьар шуоьр-идра́катру кьаърул кьалбрайн дирчун,
Вукьу́фу ттамдалийну кьара́р шаву аьркинни.
Хава́тIир гьава́жизру ихра́ж даврин кьасттирай.
Анфирай буккай нафас оьнфирайну аьркинни.
Жамиоьл-ахIъя́ндалий вукьу́фу кьувват дурну,
Ихла́срай хъинну ацIан ва кIанттаву аьркинни.
Суратрай дима́гъирайн лахъи хатI тахйи́р бувну,
«Ла́» лафз мулахIа́залий нафас хIафсрай аьркинссар.
Нафъюну дусса мяъна мулахIа́загу дурну,
Му нафас хабс буваврин марцIсса камал аьркинссар.
Катфул аймандал бакIрайн умму дима́гъраяту
«Илагьа» лафз мулахIаз хIаз мукун ижра́ъ банни.
Са́лик мубтади́ хьурча, ля маъбу́д ххал буванссар,
МутавасситI ухьурча, джинсул макьсуд агьамди.
Мунтагьи́ мунта́гьари, мавжуд мула́хIазари,
МулахIазатул манфи микку щугълу маъмурди.
Раъсул катфираяту гьарца латIа́ифирттайн
«Илла» ку лафз жарру бан дакIнил кьацIлин аьркинни.
(гихунмайгу буссар)
