Лакку душварал ифтIар

Лакку душварал ифтIар

Лакку душварал ифтIар

Мартрал 23-нний МахIачкъалалив хьунни лакрал душварал ифтIар.

 

Шиккун бувкIун бия шаннагу лакрал районнаясса сайки 400-ннийн бивсса инсантал. Вайннавух бия хIурмат бусса хъамал: Аьрасатнал виричу НурмахIаммад ХIажимахIаммадовлул нину Сапижат Исаева, философиялул элмурдал доктор Асият Буттаева, Муфтиятрал просвещениялул отделданул вакилтал, жяматрал ишккаккулт.

ИфтIарданул сиптачиталну хьунни республикалул Муфтият ва хъаннилмур кIулшиву дулаврил отдел.

Аьдатравун бувхсса куццуй, мажлис тIивтIунни бусравсса Кьуръан буккаврийну.

Дайдихьулий хъамаллурайн оьвчаву дуллай, Муфтиятрал вакил МухIаммад Майрановлул бувсунни Рамазан зурул агьамшивруя ва кIицI бунни ялун нанисса ник диндалул кIулшиврул чулухунмай хьхьичIунмай буллан аьркиншиву.

ИфтIарданул сакиншинначитурал хIадур дурну дия авадансса программа. Хъамаллурал цалва оьвчавриву бунни хьинсса насихIатру, щаллу бунни нашидру.

Дагьусттаннал Гуманитар институтрал профессор, философиялул элмурдал доктор Асият Буттаевал чIурчIав дунни диндалул инсаннал оьрмулуву бугьлагьисса кIанттурдай.

Му бакъассагу хъамаллуран тIивтIуну бия жула миллатрал дукрарду дусса супра.

Мажлисрал ахирданий циняв хIалану дурккунни салават.

2026-08-01 (Сафар 1448 ш.) №8.


Къатлуву барачат

Бур ца-цавай къатри, личIину авадансса ва хъуслил бувцIусса бакъахьурчагу, гиву бигьану ссихI ласун шайсса, дакI дигьа лагайсса. Гивун буххайхту кIул шай: шиву рахIатшиву, барачат, гъелишиву дур. Мукунма, хьунабакьай цаймигу – ххирасса хъус-кьайлул бувцIусса, марцIшиврул пар-пар тIисса, амма...


Мавлудрал барз

Рабиуль-авваль – бусурманнал календарьданул шамулчинмур барзри. Ва ккаллиссар яла агьаммий зурдардивасса цану. Жунма кIулсса куццуй, Рабиуль-авваль барз барачат хьуссар Аллагьнал ﷻ махъа-махъсса Илчи ﷺ, жуна ххирасса МухIаммад Идавс ﷺ дунияллийн уккаврийну. Идавс ﷺ халкьуннан рахIмуну,...


Ссятрал мутталий дурсса эбадатраяр ххирасса махъру

Дунияллийсса оьрму Аллагьу Тааьланал жунма буллуну бур Цала рязишиву тIалав дуллай, цIимилийн умуд бивхьуну яхъананшиврул. Аллагьнал, жува ххирану, мурадру щаллу бавугу бигьа бувну бур. Цала ИдавсийхчIин ﷺ Заннал жунма баян бувну бур цумирив хъунмасса чири хьуншиврул дувайсса бигьасса эбадатру....


ТалихI ссаву буссар?

Циняв муния гъалгъа тIун бикIай, циняв муничIан кIункIу тIий бур, амма инсаннахь инава луглагимур бувчIин бува учирча, балжисса жаваб дулунма нажагьгу къалякъай.   Пикри бувара, инсан ур ца ххирасса ххазиналух луглай, амма му чув лабивтун буссарив, цукунсса буссарив къакIулну. Му хьхьичIунай...


МухIаммад Идавсил ﷺ оьрмулия

Идавс ﷺ дунияллийн увкун, мунал ниттин Аминатлун ккарккун дур муная нанисса нур, лагмамур чаннагу дурну марцI дуккан дуллалисса.   Ца ппурттуву чIавасса МухIаммад ﷺ оьрчIащал тIуркIу тIий уна, муначIан увкIун малаик Жабраил, тIитIин бувну Идавсил ﷺ хъазам, мунал къюкI мусил тIясраву зам-зам...