Гьар гюнлюк ёравлар

1. Ону-муну тазаламакъ учун сирке ханц къоллав. Сирке ханц (уксус) – ашдан къайры, уьй тазаламакъда да къолланмагъа бола. Мисал учун, сирке ханцны сувгъа тенге-тенге этип къошуп, шону булан шиша, терезе, плитка ва шолай оьзге затланы тазаламагъа ярай. Сирке ханц майланы, насны ва киречни арив тайдыра.
2. Овошланы ва емишлени бузулма къоймай сакълав. Овошлар ва емишлер узакъ заман сакълангъанны сюе бусагъыз, оланы гьава гирмейген хас къутукълагъа яда пакетлеге салма тарыкъ. Бир-бир овошланы, масала, картопну ва согъанны къарангы ва салкъын ерде сакъласа яхшы.
3. Савут тазаламакъ учун сода къоллав. Сода – савут-сабаны тазаламакъ учунгъу бирдагъы ажайып кёмекчи. Пастагъа ошашлы болгъанча соданы сув булан булгъагъыз ва нас ерни уьстюне яйыгъыз. Бир-нече минутгъа къойгъан сонг, жувуп тазалагъыз. Сода насны ва майланы алай арив ёкъ эте.
4. Къутукъланы кёмеги булан шкафда низам болдурув. Увакъ затланы, бир-бир опуракъланы низамлы кюйде сакъламакъ учун, хас къутукълар къоллама арив болар. Шолай этсегиз, шкафда низам да болдурмагъа ва тарыкълы затланы тез тапмагъа да тынч болур.
5. Перделени илмек учун эки якълы скотч къоллав. Ябушагъан бу лентаны кёмеги булан там тешмей, перделени тутдурмагъа бек онгайлы. Амма пердени авурлугъу ва там не гьалда экени эки якълы скотчну «къаттылыгъына» таъсир этмеге болагъанны билмеге тарыкъ.
6. Тузну кёмеги булан чий явлукъну (полотенце) таза сакълав. Бет сибиреген явлукъну таза ва йымышакъ кюйде сакълама сюе бусагъыз, опуракъ жувагъан машинни чаягъан бёлюгюне бираз туз къошугъуз. Туз чий явлукъдан ийис тайдырмагъа кёмек эте ва ону йымышата. Амма тузну артыкъ къоллама да тюшмей, неге десе бир-бир къумачланы бузмагъа бола.
7. Чёп ташлайгъан педиреге атир ийислер къошув. Уьйде яман ийис болгъанны сюймей бусагъыз, чёп ташлайгъан педирени ичине арив ийисли къуругъан отлар яда гьаваны ийисин арив этеген затлар салыгъыз. Шолай этсегиз, чёпден гелеген яман ийис басылар ва уьйню гьавасы багъыйлы болур.

Юлия Зачёсова