Майлы экмек
Майлы экмек
Дагъыстандагъы кёбюсю халкълар майлы экмек бишире. Биревлер ичине къоз от къоша. Нечик этилсе де, тойдурагъан ва татывлу болагъан бу ашны барыбыз да бек сюебиз.
Тарыкълылары: сув – 1 стакан; будай ун – 3 стакан; мая (дрожжи) – 2 гиччи къашыкъ; кама – 100 грам; шекер – уллу къашыкъны яртысы; къоз от (ореховая трава) – 2 уллу къашыкъ (ондан кёп де ярай), туз – 1 гиччи къашыкъ.
Сувгъа мая къошулгъан ундан йымышакъ хамур басабыз. Сонг сагьат ярымгъа-эки сагьатгъа гётерилгенче къоябыз.
Хамурны юкъкъа этип яябыз. Уьстюне къоз отдан къошабыз, туз себебиз ва алданокъ иритилген камадан сюртебиз. Каманы бары да ерине етишеген кюйде тенг кюйде хамурну уьстю булан сюртме тарыкъ.
Сонг хамурну рулет йимик бюкме тарыкъ. Арты булан шо рулетни буруп-буруп гьазирлейбиз. Шондан сонг ону башларын бир-бирине ябушдурабыз. Шо дёгерекни басып, чапелек этип яймагъа тарыкъ.
200 градусгъа къызгъан печде экмек къызаргъанча биширебиз.
