Нохут шорпа
Нохут шорпа
Йымырткъа ва консерво нохут булан бишген шорпаны таклиф этебиз бугюн. Ону булай нохут булан этмеге де бола, тек узакъдан бише.
Тарыкълылары: картоп – 5–6 таман, йымырткъа – 3 тарыкъ, чита (морковь) – 1 бола, татли бурч – 1 бола, нохут – ярты литр, самурсакъ – 4 тиш, согъан – 5 бола, сув – 2 литр ярым, урлукъ май – 2 уллу къашыкъ, яшыллар (зелень) – 2–3 бутакъ, туз ва къара бурч – гьар ким сюйген кюйде къоша.
Къабугъу арчылангъан картопну жувуп, дёрткюл этип гесип, къазангъа салып, сув да тёгюп, аста этилген отну уьстюне сала. 10–12 минутдан сонг ичине сувун тайдырып нохут къоша (сувун сюегенлер бар буса, суву булан бирче тёкме де ярай). Арты булан урлугъундан ва ортасындан тазалангъан, жувулгъан, гиччи этип тувралгъан татли бурч къошула. Сонг уватылгъан самурсакъ да къошула. Читаны ва согъанны тазалап, жувуп, дёрткюл этип гесе. Сонг шоланы къызгъан май булангъы ялгъавда булгъай туруп 3–5 минутну узагъында къызаргъанча бишире. Къызаргъан сонг, шону къазангъа сала. Бишген йымырткъаны дёрткюл этип гесе ва къазангъа сала, арты булан гесилген яшылчаланы къоша. Лап ахырда гьар ким ушатагъан кюйде туз ва специялар къоша ва печден тайдыра.
Ашыгъыз татли болсун!
