Тюркия
Сени булан Тюркия,
Къайгъыра бютюн дюнья.
Хапарсыз гелген балагь,
Языкъсын Рабби Аллагь ﷻ.
Чёгюлген, авгъан уьйлер,
Дюньядан гетген минглер.
Юреклер авруй, гьалек,
Аллагьдан ﷻ болсун кёмек.
Уллулар, яшлар йылай,
Ичинде ялын яллай.
Санында къаны къайнай,
Аллагьым ﷻ бизин сынай.
Алгъасай дёрт де яндан,
Ювукъдан, тыш якълардан,
Узатмагъа къолларын.
Ярыкъ болсун ёллары.
Къумукъну имамлары,
Гётерген байракъларын.
Чакъыра муъминлени,
Эренлерин Элимни.
Авур намусну югю,
Солтан-Мут бизге уьлгю.
Къардашлар къыйын гьалда,
Къумукъ болмас ягъада.
Этилген садагъа,
Юрекден пакъырлагъа,
Къабул болсун, я Аллагь ﷻ,
Ла иллагьа илла лагь!
Таявубуз Есибиз,
Бир Аллагьдан ﷻ тилейбиз,
Енгиллик инсанлагъа,
Бизин тюрк къардашлагъа.
Инанаман, билемен,
Гележекде гёремен,
Тюркия жанланажакъ,
Тирилежек, яшнажакъ.
Алатопан болса да,
Къыйынлыкълар толса да,
Сыйлы сёзюн айтажакъ,
Уьстюнлюкню алажакъ.
