Къурбан садагъаларыгъызны Аллагь ﷻ къабул этсин!

Къурбан садагъаларыгъызны Аллагь ﷻ къабул этсин!

ДР-ны алимлерини Советини председатели, муфти шайых Агьмат-афанди ватаныбызны бусурманларын етишип гелеген Къурбанбайрам булан къутлай

«Ассаламу алейкум ва рагьматуллагьи ва баракатугьу!

Аявлу къардашлар ва къызардашлар! Бугюнлени гёрмеге ва бусурманланы етишип гелеген лап уллу байрамы – Къурбан-байрамгъа сююнме болагъаныбыз саялы Рагьмулу Есибизге гьар макътавлар болсун! Иманы бар бютюн халкъ учун шу гюнлер рагьмулукъ, языкъсыныв, яхшы ишлер этив ва аслусу – Есибиз Аллагьгъа I толу таби болувну вакътиси. Бу гьал гьар юрекде сыйлав гьислени тувдура. Бу гюнлерде Ер юзюню гьар еринде бусурманлар динине берилгенликни белгилейген къурбан соювну адатын эте. Къурбан-байрам иманы барланы бирикдире туруп, сыйлы байрамны тарихине абурлу ва тетикли янашмагъа уьйрете ва гьатта бир-бирине бакъгъан сюювню, рагьмулукъну да артдыра. Шо гюн бусурманлар къурбан соя, къонакълай барып, бирбирин къутлай, садагъа оьлеше.

Ондан къайры, Къурбан-байрам – гьаж къылыв битгенни белгилейген байрам да дюр. Амма бу йыл короновирус аврув саялы сав дюньяны бусурманлары (Сауд Арабстанны ватандашларындан къайры) Ислам динни бешинчи рукнусун – гьаж къылывну кютмеге болмады. Есибиз Аллагьгъа I шу аврувдан авруйгъанланы сав этмеге ва бютюн жамиятыбызны шондан азат этмекни гьакъында ялбараман. Шону булан бирче Яратгъаныбыздан этген садагъаларыбызны къабул этсин деп де тилеймен. Рагьмулу Есибиз гюнагьларыбыздан гечсин, юреклерибизни ва ойларыбызны таза этсин ва яхшы ишлерибиз саялы болагъан шабагъатын артдырсын деп де дуа этемен. Парахат яшав, савлукъ ва Яратгъыныбзны рагьмулугъу болсун сизге, аявлу къардашлар ва къызардашлар! Къурбан-байрамыбыз къутлу болсун!»

2026-09-01 (Раби уль-аввал 1448 г) №9.


Герти байлыкъ

Бырын заманларда бир юртда Ансар дейген гиччи улан яшай болгъан. Бу яшны юреги таза болгъан: ёлда барагъанда, гьар ёлукъгъан адамгъа, ол: «Ассаламу алейкум», – деп айтып, къолун ала болгъан. Ансарны гёзлери айлана якъны ярыкъ этегендей нюр яя.   Бир гезик муну алдына...


Бусурман гиши билмеге тарыкъ аслу илму

(Давамы. Башы алдагъы номерлерде).   Капир адамны ва мунапикъни де гьисапдан сонг гьукмусу нечик болажакъ?   Капирни ва мунапикъни гьукмусу гьисапдан сонг, даим жагьаннемге гирип ондан уьзюлмей къатты авуртдурагъан азапда турмакъ. Аллагь ﷻ оланы Къуръанда булай сифатлай (маънасы):...


Атаны хадирин билмейбиз

Герти кюйде адамны хадирин, биз бир-бирде ондан айрылгъан сонг англама башлайбыз. Айтылма герекли сёзлер авуздан чыкъмай, юрекде къалып къалгъан гезиклер бола. Билдирме сюеген баракалла айтылмай, ерине етишмей къала.   Ата… Бу адам оьзюню гьислерин ачыкъ этмей, айтмай, тек ону гьар...


Танг намаз ва адамны савлугъу

Шексиз кюйде, юху – Есибиз Аллагь ﷻ бизге берген уллу ниъматланы бириси. Авур гюнню йиберип, ишлеп арыгъанда, тангала да загьмат тёкмеге болардай жагьлыкъ учун, инсан юхлап, гюч топламакъны гьайын эте. Юху къаркъараны савлугъу ва гьалны яхшылыгъы учун тарыкълы. Юху юрекни парахат эте,...


Сорав – жавап

– Юкге къоюлгъан (залог) ва кредитни къайтарма болмагъанда банк оьзюне алгъан машинни банкдан сатып алмагъа яраймы? – Асламчылыкъ булан байлавлу ишлеге къошулма ярамайгъаны белгили, процентге берме ва алма гьарам. Бу лап авур гюнагьлардан санала. Амма банк берген акъчасын процентсиз...