Къурдаш нечик табайыкъ
Къурдаш нечик табайыкъ
Ким-ким де къурдаш тапмагъа бажармай, айрокъда юреги ушатагъан гиши булан янгы таныш болгъан буса. Къурдаш тапмагъа кёмек этеген бир-нече ёрав берейик бугюн.
- Агьамиятыгъызны гёрсетигиз. Соравлар беригиз, яхшы тынглагъыз ва таныш болгъан адамны яшавун билмеге къарагъыз.
- Ачыкъ ва юваш болугъуз. Иржайывлу бет ва илиякълы янашыв кимни де кепине гелер ва башгъа адамны исиндирмеге болур.
- Агьамиятлы ортакъ ишлени излеп табыгъыз. Ортакъ ишлер къурдашлыкъны кюрчюсюн салмагъа бола. Эки де ян ушатагъан ишлени айланасында сёйлегиз, ортакъ ишлени гьакъында хабарлагъыз.
- Гьакъ юрекли болугъуз. Гьаманда йимик гьалыгъызда туругъуз, биревню кепине гелемен деп башгъа адам болуп гёрюнмеге тарыкъ тюгюл.
- Кёмек къолугъузну узатыгъыз. Кёмек этмеге гьазир экенигизни гёрсетигиз, арада тувагъан масъалалардан баш къачырмагъыз, шолайлыкъ къурдашланы ювукъ этежек.
- Аралыкъланы беклешдиригиз. Янгы таныш болгъан адам булан къатнав юрютюгюз, ёлугъувлар этигиз, шолай этсе, аралыкъ ювукъ болажакъ.
- Илиякълы болугъуз. Янгы таныш болгъан адам булан юваш туругъуз, аралыкъланы исси сакъламагъа гьаракат этигиз. Ачыкъ юреклик, масхара ва арадагъы гелишлик белгисиз адамланы ювукъ этер, инсангъа тартар.
- Заманны бирче йиберигиз. Бола туруп о-бу агьвалатларда, охувда яда оьзге ишлерде бирче ортакъчылыкъ этигиз. Заманны бирче кёп йиберив къурдашланы аралыгъын ювукъ этежекге шеклик ёкъ.
- Янын тутагъанлардан болугъуз. Бир-биригизни янын тутмагъа уьйренигиз, гьайын этмеге бажарыгъыз. Яшав ёлунда гьар ким учун да шолайлыкъ бек агьамиятлы.
- Инаныв ва гьюрмет этив. Бир-биригизге абурлу янашыгъыз, къурдашыгъызгъа инаныгъыз, аркъа таяв болугъуз. Шолай ясалгъан къурдашлыкъ къатты болур.
- Янгы къурдашгъа ачыкъ болугъуз. Пелен адам булан ювукъ болма сюегенлер ачыкъ болма тийишли. Яшав ёлда ёлугъагъан янгы адам къурдаш болгъанны сюе бусагъыз, ачыкъ бетигиз булан ону къаршылагъыз, гьакъ юреклик гёрсетигиз.
Къурдашлыкъ – эки де ян ортакъчылыкъ этгенде болагъан иш экенни эсигизде сакълагъыз. Шону учун ачыкълыкъ, гьакъ юреклик, таза гьислер ва кёмек этмеге гьазир турмакъ агьамиятлы. Аралыкъ къатты болмакъ учун заман, гьаракат, бир-бирине гьюрмет этив тарыкъ. Шолай этмеге бажарылса, къурдашлыкъ исси гьислер, кёмек тарыкъда табылмакъ, насип гелтирмеге болур.
