Къолкъкотурлар саркъа биширилген къапуста булан

Къолкъкотурлар саркъа биширилген къапуста булан

Учуз олтурагъан, пайдалы ва татувлу ашланы этеген кюйлени гьакъында язагъаныкъ узатыла. Бу гезик диеталы аш гьазирлейген кюйню таклиф этебиз – шампиньон къолкъотур булан саркъа биширилген (тушёный) къапуста.

Тарыкълары: къапуста – 600 грам, шампиньон (яда башгъа къолкъкотур) – 400 грам, къызыл чита (морковь) – 1, орта оьлчевдеги согъан – 1, урлукъ май – 30 грам, томат – 2 уллу къашыкъ (ярты стакандан бираз къолай памидор сув да ярай), сув – 150 грам, туз ва оьзге специяланы, яшылчаны (оччам, дёгерек оччам) гьар ким ушатагъан кюйде къоша.

Терен ялгъавну къыздырып, урлукъ май къошабыз. Гесилген къолкъотурланы ялгъавгъа салып, 5–7 минут къызартабыз.

Къызыл читаны ва согъанны тазалап жувабыз. Согъанны увакъ гесебиз, къызыл читаны буса, къыравучдан (тёрка) чыгъартабыз. Сонг шоланы ялгъавдагъы къолкъотурлагъа къошуп, бирдагъы 5 минут къызартабыз.

Шо вакътиде къапустаны увакъ туврап, ялгъавгъа салабыз. Ялгъавдагъы бары да затны булгъап, къапкъачын да ябып, отун аста этебиз.

Сув булангъы хабада эки къашыкъ томат булгъайбыз ва гьазир болгъан бу «шорпаны» ялгъавгъа тёгебиз.

Сонг туз ва оьзге специяланы гьар ким сюйген кюйде къоша. Бирдагъы керен булгъап, дагъы да 15 минутгъа къоябыз.

Уьстюне жувулгъан ва гесилген яшылчалар булан себелеп, болгъан ашны тепсиге исси кюйде сала. Берекетли болсун ашыгъыз!

Юлия Зачёсова