Бенто-тортну язывлар безендире
Арт вакътилерде гиччирек тортлар ажайып яйылгъан. Шоланы себепге гёре де, себепсиз де кёп савгъат этеген болгъан. Ювукъ адамын кепин гётермек учун да берелер.
Оюнчакъдай гёрюнеген бу арив татлиликни аслу башгъалыгъы – уьстюндеги асил языву. Шо язывну охуп, ону алгъан адам сююнмей болмай. Бу гиччи тортланы биринчилей Къыбла Кореяда этме башлагъан. Пандемияны вакътисинде уллу тепсилер къурма бажарылмайгъан саялы, ашбазлар уллу тортну орнунда гиччилерин этме ойлаша. Сюеген адамынг бу тортдан сюне ва тоя. Ругь якъдан да «тоя». Бир башлап бу гиччи тортланы Азияда аш етишдиреген «бэнто» деп айтылагъан къутукълагъа салып етишдире болгъан. Шо саялы бу гиччи татлиликлеге «бенто-торт» деп айтылагъан болду.
Бенто-торт этеген кюй.
Муну оьзге татлилик йимик эте, тек оьлчевю гиччи ва уьстюнде маъналы, арив языв болмагъа тарыкъ. Гёрюнюшю де «исбайы» болмагъа герек. Аслусу – уьстюндеги языв. Мунда сюегенингни билдирме бола, масхара этме ярай яда сюеген асарынгдан бир гесегин язма да бажарыла. Мурадынг – ювукъ адамынгны гёнгюн гётермек, хошуна ярамакъ.
Тёбенде бенто-тортда язма болагъан бир-нече мисалланы гелтирейик.
«Нечакъы йыл болса да – бюдюреме, къаршылыкъ билдир». «Шу дюньяда артдагъы (пелен йыл) сенден арив жан яралмагъан». «Къоркъма! Яшавгъа гёмюл!» «Гьасси болма – биз янынгдабыз!» «Бай болмай къалма». «Къатынгиши нечакъы сюе буса, огъар шончакъы йыл бола».
