Эргишиге не савгъат берейик?
Эргишиге савгъат сайламакъ – тынч масъала тюгюл. Тиштайпа гюллеге яда кампет къутукъгъа сююнежек буса, эргишини не булан сююндюрейим деп къатын урлукъ ойлаша къала. Савгъат арив болмакъдан къайры, маъналы да болгъанны сюесен чи.
Эргишиге чораплардан къайры (озокъда, шо да пайдалы тек къужурлу савгъат тюгюл) не берейим деп баш авуртувдан ялкъгъан бусагъыз, тёбенде бир-нече ойну таклиф этебиз.
- Маънасына гёре пайдалы китап. Эгер эргиши охума сюе буса, ол ушатардай темагъа гёре китап беригиз. Шо чебер асар да, бир-тюрлю хас темалы китап да болмагъа бола.
- Гаджетлер ва шолар булан байлавлу оьзге затлар. Къулакълагъа салып макъамлагъа тынглайгъан алатлар, телефон учун тыш (чехол) яда шо къайдадагъы оьзге о-бу – пайдалы ва арив тиеген савгъатлар.
- Абонемент. Эргишиге спортзалгъа, массажгъа яда охутув дарслагъа бармакъ учун абонемент берсегиз, шо да арив савгъат болур.
- Опуракъ. Чораплардан эсе къолай ва артыкъ опуракъ бермеге ярай – масала, шарф, гёлек, къалакъай яда сан янлы гёнден этилген белбав.
- Маъналы белгилер булангъы савгъатлар. Эргиши нени сюегенни ва негер агьамият берегенни биле бусагъыз, шону булан байлавлу белгилер этип ону-муну бермеге ярай. Масала, эргиши юрек денгизге ава буса, гемени сураты булангъы о-бу ону сююндюрер.
- Савгъат сертификатлар. Нени берейим деп токъташмагъан бусагъыз, спорт мал, электроника сатагъан яда китап тюкенге огъар сертификат берсегиз, шо да арив бир ёл.
Аслусу – эргиши не сюегенни ва нени ушатагъанны гьисапгъа алмакъ. Шолай этсегиз, ол сююнежек ва разилик билдирежек.
