«Къышлыкъ» салат
«Къышлыкъ» салат
Къышны биринчи айы гелди ва къаркъарагъа витаминлер айрыча тарыкъ вакъти башланды. Татувлу ва пайдалы салат этеген кюйню таклиф этебиз.
Тарыкълы затлар: къызыл къапуста – 250-350 грам, болгар (татли) бурч (сари тюслю) – 1 яда 2, яшыл тюслю туршлу алма – 1 яда 2, корейский морковь – 100 грам, урлукъ май – 1,5 уллу къашыкъ, лимон сок – 1 гиччи къашыкъ, яшылча (оччам ва яшыл согъан), ушатагъан кююгюзге гёре туз ва шекер, кепигизге гелеген кюйде специялар (дёгерек оччам, оччам, куркума, базилик, розмарин, тимьян, женжепил ва шолай оьзгелери).
Къапустаны увакъ гесе. Шогъар кубиклер этилип гесилген бурч къошула. Арты булан – увакъдан гесилген яшылчалар. Къабугъу арчылгъан алманы ортасын да тайдырып, кубиклеге гесип салатгъа къоша, уьстюне лимон сок себе. Морковь да уватылып, салатгъа гете. Артда урлукъ май ва специялар къошулуп, салатны яхшы кюйде булгъай.
