Кашлар: нечик татли этме бола?
Кашлар: нечик татли этме бола?
Каш биширмеге бажармайгъан адам боламы, деп эсинге гелме ярай? Амма не ишни де оьз башгъачалыкълары бола.
Гречка. Заман бар буса, бу ярманы (крупа) ахшамдан тутуп сувда къоябыз. Гече шо шишежек ва эртен къайнатса бола – каш гьазир.
Μанка. 4 уллу къашыкъ манканы бир литр сютге тёгебиз. 3 минут къайнатып, сонг печни сёндюрюп, 20 минутгъа къоябыз. Каш бирден-бир татли болур, эгер огъар ерде оьсеген (ягода) емишлер къошса. Какъ кокан да къыйыша.
Дюгю. Дюгю каш бишире буса, шулай алса яхшы: 1 стакан дюгюге – 1 литр сют. Бишген кашгъа бал къошса, дагъы да яхшы – пайдалы ва бирден-бир татли болажакъ.
Пшёнка. Бу кашны биширегенде ичине увакъ гесилген къабакъ къошма яражакъ.
Сулу ярма (овсянка). Бу кашгъа кишмиш, какъ кюреге къошмагъа пайдалы болур. Кашгъа уьрге (кленовый) сироп къошса, тамаша татуву болур. Татлини сюймейгенлер – ичине бишлакъ увмагъа ва булгъамагъа яражакъ.
Арпа ярма (перловка). Каш бюртюклер бир-бирине ябушмас учун, ярманы йибитип, къапгъачын ачмай 40 минут биширебиз. Биширегенде кама къошабыз. Кашгъа бал яда мураба къошма сюе бусакъ, шекер тарыкъ тюгюл, дагъы ёгъесе бек татли болажакъ.
Ашыгъыз татувлу болсун!
