Акъ опуракъны нечик жува
Акъ опуракъны нечик жува
Акъ гёлеклени, майкаланы, чорапланы ап-акъ ва тап-таза этмек учун, нечик жувмагъа гереги гьакъда гьар тиштайпа ойлаша къаладыр. Акъ опуракъны нечик яхшы жувмагъа болагъан кюйлени гьакъындагъы бир-бир сырланы бугюн сизге ачыкъ этмеге сюебиз.
Порошокну аз къошмакъ.
Акъ опуракъ тез бата, тек кёп жувгъан сайын олар бузулмас, эгер порошокну аз къолласа. Белгили йимик, порошокну бюртюклери опуракъны йиплерине «илинип» шонда къала ва оьзге замандан эсе, чангны, насны оьзюне бек тарта. Кюйге къарагъанда, порошокну аз къошуп, опуракъны кёп чайса яхшы болур.
Акъ тюс гелтиреген алатлар.
Ичинде хлор булангъы акъ тюс учун къолланагъан алатлар аслу гьалда опуракъны къумачына яман таъсир эте, ону буза. Олай да, кислород булангъы алатлар да кёп къолласа, яхшы тюгюл. Лимонну суву йимик башгъа ёлланы къоллап къарагъыз. Шону кёмеги булан опуракъ тап-таза ва йыртыллайгъан болажакъ.
Айрыча жувмакъ.
Бир-биревлер ачыкъ тюслю бары да опуракъны бирче жува. Амма кёк тюслю, розовый, ачыкъ кюл тюслю затлар акъ опуракъгъа боявун чыгъармагъа бола.
Гёклев.
Йыллар булан тергелген бу къайда акъ опуракъдагъы эрши гёрюнеген саргъылтны ёкъ эте. Бир литр сувгъа гиччи къашыкъны учуна гёклев (синька) къошса таманлыкъ эте.
Гюнге чыгъартып къурутабыз.
Опуракъны гьавада къурутагъанда, елни ва гюнешни таъсиринден, шо оьзлюгюнден «ишлене». Бу кюй айрокъда бетъявлукъ (полотенце) ва тёшек-орун (постельное бельё) учун пайдалы, неге десе гюн шавлалар къумачны акъ эте.
Жувмакъны артгъа салмагъыз.
Батгъан опуракъны тез арада жувмаса тамгъалар къумачгъа сингип къалмакъ бар. Ондан къайры, нас опуракъны пластикден этилген челтирде узакъ заман сакъласа, шо саргъылмагъа бола. Шо саялы, нас болгъан опуракъны артгъа салмай, тез жувуп тайдырса яхшы болур.
Юлия Зачёсова
