Овошлар булангъы гьайван эт
Эргишилерден эсе, къатынгишилени къаркъарасына темир етишмейгени белгили. Бу гьал савлукъгъа бек таъсир эте ва авур зарал гелтирме бола. Тёбенде берилеген аш татывлу да дюр, тойдурма да тойдура ва гьатта эсгерилген микроэлемент булан да къаркъарагъа пайда гелтирер.
Тарыкълылары: гьайван эт – 300 грам; картоп – 4–5 тарыкъ; чита (морковь) – 1–2 тарыкъ; согъан – 1 баш; томат – 2 уллу къашыкъ; сув – 200–250 мл; туз, бурч – ушатагъан кюйде къошула; яшылча (зелень) – сюйген кюйде къошула; урлукъ май – къызартмакъ учун.
Этеген кюй. Этни гиччи гесеклер этип гесебиз. Ялгъавда урлукъ майны исси этип, этни алтын тюсге айлангъанча къызартабыз. Картопну, читаны ва согъанны тазалап, гесебиз. Овошланы этге къошуп, бир-нече минут къызартабыз. Шолагъа томат къошуп булгъайбыз. Арты булан сув къошуп, къайнагъанча къоя, сонг отну аз этип, 20–30 минут осал отну уьстюнде къоябыз. Туз да, бурч да къошма унутмайбыз. Тепсиге чыгъаргъанча увакъ гесилген яшылчалар да ерин таба. Ашыгъыз татывлу болсун!
