Согъаны булангъы къатлама
Согъаны булангъы къатлама
Къатлама – уьзбеклер ва тюрклер согъан булан биширеген чапелек. Татувлу, токълу ва биширмеге тынч аш.
Тарыкълы зат. Будай ун – 700 грам, туз – гиччи къашыкъдан бираз къолай, сув (йылы) – 350 мл, сари май ( урлукъ май да ярай) – 100 грам, 1 дёгерек башлы согъан.
Этилеген кюю. Сувну ичинде туз иритебиз, сонг булгъай туруп ун къошабыз (тарыкъ буса, бираз кёп яда аз этмеге ярай). Къоллагъа ябушмайгъан даражагъа етишгенче хамур гьазирлейбиз. Сонг шо хамурну 20 минутгъа «ял алмагъа» къоябыз. Согъанны гиччи этип туврайбыз. Сюйсегиз туз ва бурч къошмагъа да ярай. Сонг «ял алгъан» хамурну алты гесекге бёлебиз. Гьарисин айры чапелекге яябыз ва яхшы кюйде сари (урлукъ) май сюртебиз. Сонг согъан къошуп, яйымны бурабыз. Бурулгъан рулетлени 20 минутгъа морозильникге салабыз (холодильникге сала бусакъ, 2–3 сагьат тарыкъ). Шолай этмекни мурады – май къатып, хамур къат-къат болмакъ. Сонг шоланы янгыдан яйып чапелек этебиз. Майсыз ялгъавда чапелекни эки де янындан къызартабыз. Гьазир чапелекге кама сюртебиз. Иссисилей бу аш лап татувлу.
