Тузлангъан ашгъа нечик кёмек этмеге бола?
Тузлангъан ашгъа нечик кёмек этмеге бола?
Ашгъа артыкъ туз къошулса – тиштайпаны гёнгю бузула, заманы зая гете ва янгыдан аш биширемен деп аваралар бола. Биз бу хатаны тюз этеген къайданы билебиз.
Тузну тайдырагъан кюйню бир-нече мекенли ёраву бар.
Кёп тузлу макаронну, дюгюню къайнагъан сув булан чаябыз ва чолпуну (дуршлаг) ичинде сув акъгъанча къоябыз. Этге яда чабакъгъа артыкъ туз къошулгъан буса, лимон сок яда сирке ханц (уксус) къошуп тузну аччылыгъын басылтабыз, тек шону тамчы-тамчы этип аз къошмагъа тарыкъ.
Саркъа биширилген (тушёный) эт, соус, овош рагу артыкъ тузлу буса, шону майлы къаймакъ басылта. Долма, тююлген эт тузлу болгъан буса, къаймакъ тузлукъ кёмек этер. Ашны уьстюне шону синген кюйде тёкмек таманлыкъ эте.
Тузлу болгъан шорпагъа бирт де сув тёкмегиз, шолай этсегиз о татувун тас этежек ва тюсю тунукъ болажакъ. Шолай этгенче, шорпаны ичине гесмей бир картоп салыгъыз: о артыкъ тузну оьзюне алажакъ. Олай да, тузлу болгъан шорпагъа бир-нече къашыкъ дюгю къошмагъа ярай, о да тузну оьзюне тарта. Тююлген эт артыкъ тузлу буса, ону ичине уватылгъан картоп, морковь, экмек яда дюгю къошмагъа ярай.
