Пайдалы ёравлар
Пайдалы ёравлар
Мураба этегенде баъли яда жие сюекни тез ва онгайына тайдырмакъ учун гьамангъы гиччи авузлукъну къолламагъа ярай: генг яны булан шону бошгъапгъа ерлешдирип, учуна емишни салып бираз басма тарыкъ.
– Эгер банканы темир къапгъачын буруп ачмагъа бажарылмай буса, бир-бирде бу ёрав кёмек эте: астаракъ булан шо къапгъачны столну ягъасына урмагъа тарыкъ. Кёбюсю гезикде шо кёмек эте.
– Макарон пачканы кёплер уьстюн йыртып яда бичакъ булан мююшюн тешип ача. Амма шону башгъача ачма да бола: узунуна гесип, ягъасындан герек чакъыны ала, сонг бугюп чырмай ва резин булан тартып байлай.
– Электрик чайникге къылав тюшген буса (накипь) шону нечик тайдырмагъа бола? Муна бир кюй. Сув булангъы чайникни ичине уллу къашыкъ лимон кислота тёгюп, сонг шону къайнатмагъа сала. Чайник къайнап, оьзлюгюнден сёнген сонг, элли минут сувума къоя. Сонг къылав тюшгенче бирдагъы бир-нече керен янгыдан къайнатып, сувута. Артда да кислота салмай янгы сув булан къайнатып, бошата.
– Эгер оччам (укроп), дёгерек оччам (петрушка) яда оьзге яшылча бечиген буса, шону янгыдан яш этмеге бажарыла. Ярым литрлик шиша банканы ичине бираз йылы сув тёгюп, бир уллу къашыкъ шекер ва шолай оьлчевде сирке ханц (уксус) къошуп булгъай ва сагьат ярымгъа-эки сагьатгъа яшылчаны саптагъын бираз гесип, шону ичине сала.
