Исси болма сюегенлеге уьшюмей къалмакъны 3 ёраву
Исси болма сюегенлеге уьшюмей къалмакъны 3 ёраву
Боралайгъан къышны вакътисинде къатынгишилер сувукъ болмай турмагъа сюе ва не этмеге герекни ахтара. Уьшюмес учун энни бир-нече ёрав онгаргъанбыз.
1.«Къызгъын» аш
Къышда къатты диеталаны къолламаса яхшы. Озокъда, исси болмакъ учун дазусуз кюйде хамурдан этилген ашланы ашамагъа чакъырмайбыз, тек къыш айларда ач турмагъа да яхшы тюгюл. Сувукъ вакътиде гьамангъы замандан эсе гюнде 400 калорийге артыкъ ашамагъа яратылагъанны билемисиз? Даим арымакъ деген аврувдан сакъланмагъа сюе бусагъыз, къышда тюрлю-тюрлю шорпалар ашама тарыкъ. Олай да, къоз, картоп, бишлакъ, къабакъ, банан, юзюм ашагъыз. Тез исси болмагъа сюегенде согъан, самурсакъ, тавмичари (тмин), женжепил (имбирь) ва дарчин (корица) кёмек этер!
2. Гьиллалы гаджетлер
Яшавубузгъа тюрлю-тюрлю электрон алатлар генг кюйде гирген ва оланы бирлери бизге уллу онгайлыкъ гелтире. Масала, USB-къолгъаплар бар, олар къоллары уьшюйгенлеге ажайып пайдалы болур. Бармакълары ёкъ бу къолгъапланы копмьютерге ялгъап, иссилигин 46 градусгъа ерли исси этмеге бола. Шо къайдада USB уьй чарыкълар ва исси болагъан ултанлар бар. Гьатта исив береген ич опуракълар да чыкъгъан.
Янгызылкъ = сувукълукъ
Алимлер токъташдыргъан кюйде, янгызлыкъ сувукълукъ булан байлавлу экен. Янгыз яшайгъан адамлар тез уьшюйгени токъташдырылгъан. Сюеген адамны суратына, анабызгъа, яшларыбызгъа къарасакъ ичибиз исси болуп гетегени ялгъан тюгюл. Ондан да яхшы къучакълавлар. Къаныбыз исси ва къаркъарабыз иссилик ярата. Шо саялы ювукъ адамларыбыз булан кёп къучакълашсакъ – сувукъ не экенни унутарбыз.
