Намаз учун лап яхшы гюн
Бир болгъан, бир болмагъан, бир эринчек яш болгъан. Ол бир зат да этмеге сюймей, къаркъарасы сант басып тургъан. Огъар гьар гюнлюк беш намазны къылма да къыйын болгъан.
Бир гюн яшны башына тамаша ой геле. Ол къайсы гюн намаз къылмагъа лап яхшы болур деп билмеге сюе. Улан шо гюн къаныгъып намаз къылып, башгъа гюнлер буса – къылмай къойма токъташа. Намаз къылма лап яхшы шо гюнню гьакъында буса, огъар уллатасы айтажакъ, неге тюгюл ол кёп затны биле.
Уллатасын тез табып, улан огъар шо соравун бере:
– Уллата, намаз къылмакъ учун лап яхшы гюн не гюндюр?
– Балам, намаз къылмакъ учун лап яхшы гюн – бизин бу дюньядагъы ахырынчы гюнюбюз, – деп жавап бере. Улан ажайып тамаша бола. Булай жавап болажакъ деп ол бирт де ойлашмай болгъан.
– Ата, олай болмай чы! Ахырынчы не гюн экенни къайдан билип болабыз? – деп улан бирдагъы сорав бере.
– Болмайбыз, озокъда, – деп уллата иржая. – Бу дюньяны къачан къояжагъыбызны билмейбиз. Шо саялы гьар гюн, бир намазны да къоймай, къылмагъа тарыкъбыз.
(Давамы гелеген номерде)
