Балыкъчыны ва балыкъны ёмагъы
А.С.ПУШКИН
(Давамы. Башы алдагъы номерде)
Амалсыз къарт уьйге къайта. Къайтса, гёре: зор къалалар, Къарасанг, башынг айланар, Посагъасы туташ алтын. Тахда олтуруп пача къатын Гьар кимге бир гьукму биче, Гьар не сюйсе, ашай-иче. Огъар боярлар, бийлер Къуллукъ этип юрюйлер. Тыш пачалыкъдан гелген Мал тахчалар иелген. Тюпде къаравул къата, Инбашында – айбалта. Уруп, тюртюп, мысгъыллап, Къартны хорлай, къоркъута. Пача къатынны алдында Чёгюп, тобукъдан тюшюп, Къартым сёйлей бюрюшюп: «Бийик бийке, сыйлы бийке, Сени алдынгда – бютюн уьлке. Болуп айтгъан-айтгъанынг, Яйнап турамы жанынг?» Къартгъа бет бурмай къатын, Айтма пешемей атын… Чакъырып къаравулну, Тез лагь этсин дей муну. Гёзюнг гёз гёрсюн, шонда Боярлар гелип, бийлер Юмарлап бара, гьейлер! Адашып къалгъан къартны Языкъ гьалына сала. Эшик артда къаравул Туврап къойма аз къала. Халкъ да ону мысгъыллай, Тюкюре, бетин талай: «Пачабызны къанын буздунг, Ал пайынгны, гьай къарт къузгъун! Ал дарсынгны, ач гёзюнгню, Танып юрю оьз-оьзюнгню!» Гюнлер ташгъындай ташый, Къатын бирден-бир шашый. Чакъырып вазирлерин, Алма йибере эрин. Вазирлер сюйреп алып, Къартны гелтирип ташлай. Эки гёзю аралып, Пача къатын сёз башлай: «Къайт денгизге, айт балыкъгъа, Базмайман бу пачалыкъгъа. Мен сюемен яшавумну Бузуп, янгыдан башлама. Сувтюп дюньяда яшама. Дерияланы еси болуп, Сувтюп дюньяда яшама! Гийиндирсин, жувундурсун, Башым-чачым тарай турсун, Шербет къуйсун, берсин ашым – Алтын балыкъ оьзю болсун Шонда мени къаравашым!»
(давамы гелеген номерде)
