Бир гёзлю ана

Бир гёзлю ана

Бир гёзлю ана
Бир уланны анасыны
Болмагъан дей бир гёзю,
Бир къанаты сынгъан къушгъа
Ошай болгъан дей оьзю.
Бир гёз булан тувмагъан о,
Экиси де болгъан дей,
Уланына берип гёзюн,
Ана гёзсюз къалгъан дей.
Хатабалагь къобуп яшгъа
Этгенде бир гёзюн тас,
Ана гёзюн савгъат этген
Этмейли уьстюнден яс.
Шо гюн бугюн эки гёзлю
Оьсе болгъан баласы,
Билмей болгъан бирин огъар
Бергенни оьз анасы.
Оьсе улан, англап битмей
Анагъа сый герегин,
Сёзю булан етти ерден
Яра ону юрегин:
«Къурдашларым кюлемсирей
Ананг арив алай деп,
Бир гёзлю болгъанча ана
Болмагъаны къолай», – деп.
Ете бир гюн, ажжал къона
Ананы акъ башына,
Оьлгенчеге кагъыз яза
Жан аявлу яшына:
«Шу гьал салдым, гюлдей эди
Сен айтагъан сыпатым,
Мен гёрмейли сен гёрсюн деп
Дюньялыкъны ниъматын.
Азиз балам, сен геч менден,
Илыкъдырдым оьзюмден,
Оьмюр гетди гёзьяш тёгюп
Шо къалгъан бир гёзюмден.
Мен чи сени кёп сюедим
Сюйкюмсюз юзюм булан,
Тюшлеринге гележекмен
Эки де гёзюм булан».

НУРЬЯНА АРСЛАНОВА

2026-08-01 (Сафар 1448 г.) №8.


Язывчуланы Союзу пагьмуланы излей

Жамиятны маданият яшаву адабиятдан билинедир: язывчулар, шаирлер айтгъан сёз халкъгъа етише, таъсир эте буса, адамлар ругь яшавдан айрылмагъан. Инсанны къылыкъларын яхшылашдырмакъ учун дин аслу роль ойнай, тек шогъар кёмекчи гьисапда инче саният, адабият да янаша геле. Масала, адабият адамны...


Янгы школа

Марьям янгы школагъа чыкъды ва биринчи гюн огъар бек къыйын тийди. Ол партаны артында яп-янгыз олтура, айлана якъда буса – танымайгъан белгисиз яшлар. Класдагъылар янгы охувчугъа къарай, тек таныш болмагъа бирев де янына гелмей. Ол бу мюгьлетде алдагъы къурдашларын эсге алып, бираз пашман...


Мугьаммат Пайхаммар ﷺ тувгъан айдан сююнебиз

Есибиз Аллагьутаала бизге лап да сыйлы Пайхаммарны ﷺ йиберген, ону уьмметинден этген. Аллагьгъа ﷻ гьар бир макътавлар болсун, Оьзюню сыйлы Пайхаммары ﷺ булан бизин сыйлагъан саялы. Ол Пайхаммарны ﷺ сюймек бизин борчубуз. Сюймек учун адамны таныма герек. Пайхаммарны ﷺ сюйсек, Аллагь ﷻ да бизин...


Уьстюнлю сатыв-алыв

Сатыв-алыв лап гелимли касбу санала. Амма бу ишни юрютеген инсан ялгъан айтмайгъан, алдатмайгъан ва Яратгъаныбызны буйрукъларын къатты кюйде юрютеген адам болма герек. Мугьаммат Пайхаммар ﷺ булай айтгъан: «Адилли сатывчу Къыяматгюн сыйлы адамлар ва шагьитлер булан тирилежек» (Ибн...


Сыйлы адамлар: Умар ибн Абд уль-Азиз

Ата да, улан да бир йимик асил къылыкълы (давамы)   (Давамы. Башы алдагъы номерлерде)   Динге берилген улан оьз заманындагъы лап айтылгъан алимлени алдында охугъан, алгъан шо билими булан ол Пайхаммарны ﷺ гьадислерин билеген лап айтылгъан адам бола. Ол дин якъдан билим ала туруп, яш...