Дагъыстан муфтини къутлаву
Дагъыстан муфтини къутлаву
Ассаламу алейкум ва рагьматуллагьи ва баракатугьу!
Аявлу къардашлар ва къызардашлар!
Бизге рамазан ай берген саялы, Есибизге макътав болсун! Бу – гюнагьлардан гечивню ва берекет тюшювню айы.
Бусурманлар учун рамазан лап агьамиятлы ва абурлу ай. «Рамазан» деген сёз, уллу ай геливю булан, иманы бар гьар адамны юрегинде шатлыкъ ва сююнч тувдура. Бу ай – сынавну, ибадатны ва битмес зувапны айы, оланы къыйматлыгъын янгыз Рагьмулу Аллагь ﷻ биле.
Рамазан айны оразасын тутагъан, гечелер ибадат этеген бусурманланы санаву йыл сайын артагъан саялы, Есибизге макътав болсун. Амма сав ай чыдама болмасан деп, ораза тутмайгъанлар да къалып тура. Олагъа Пайхаммарны ﷺ шу гьадисин эсине салмагъа тарыкъ: «Бир гюн ораза тутгъан гишиге, ону да жагьаннемни де арасында Аллагь ﷻ ор болдура, шо орну генглиги кёкден ерге ерли» (ат-Табарани).
Ораза тутагъан гьар мюгьлетигизге Аллагьдан ﷻ шабагъат алмагъа боласыз, шону оьлчевю дюньядагъы бир шабагъат булан да тенг гелмесни билигиз. Шу айны ичинде оьзюбюзню яхшы янгъа багъып алышдырмакъ учун, къаст къылма герекбиз, бир-биревге, айрокъда бизге къарагъанлагъа, агьамият бермеге тарыкъ.
Мугьаммат Пайхаммар ﷺ булай айтгъан: «Аллагьгъа ﷻ умут ва иман булан рамазан айда ораза тутгъан гишиге алдагъы бары да гюнагьлары гечилежек» (аль-Бухари, Муслим).
Биз барыбыз да, Аллагь ﷻ гюнагьларындан гечилген ва оразабыз къабул этилгенлерден болажакъгъа мен бек умут этемен.
Бу сыйлы ай башланыву булан барыбызны да къутлайман ва негьакъ къутгъарылгъан бир мюгьлет де болмайгъан кюйде шу вакътини ибадат булан йибермекни гьакъ юрекден ёрайман.
