Къурбан-байрам булан къутлав
Къурбан-байрам булан къутлав
Ассаламу алейкум ва рагьматуллагьи ва баракатугь, аявлу дин къардашлар ва къызардашлар, Есибизни рагьмусу ва парахатлыкъ болсун барыгъызгъа да!
Бусурманланы лап аслу байрамы – Ид аль-Адха (Къурбан-байрам) булан гьакъ юрекден къутлама сюемен сизин!
Къурбан-байрам, бусурманлар сыйлы ерлеге барып, гьаж къылгъанлыгъын белгилей. Бу байрам биз барыбыз да Есибиз Аллагьгъа ﷻ дагъыдан бек ибадат этмеге имканлыкъ берегенин, берилген гьар яхшылыкъларыбыз саялы, Яратгъаныбызгъа шюкюрлюк этегенибизни белгисидир. Байрам гюнлерде къаст къылып, ярлы яшайгъанланы, амалсызланы гьайын этмеге яхшы болур, къурбанлыкъны этин оьлешип, садагъа булан оланы юреклерин сююндюрмеге къарайыкълар.
Есибиз Аллагь ﷻ Къуръанда бизге булай айта (маънасы): «Сюегенигизден (малыгъыздан) харжламай туруп, сиз не этсегиз де берекет (ва Есигизни разилигин) гёрмессиз. Ва нечакъы харжласагъыз да, Худай биле шо гьакъда (ва толу кюйде шабагъатлар сизин)» («Али Имран» деген сура, 92-нчи аят). Шо саялы айлана яныбыздагъыланы гьайын этмек, олагъа тергев бермек ва кёмек къолубузну узатмакъ бизин учун бек агьамиятлы.
Уллу Ватаныбызны ер-еринден минглер булан дин къардашларыбыз ва къызардашларыбыз Ислам динни борчларыны бирисин – гьаж къылмакъны кютмек учун – сыйле ерлеге, Маккагъа ва Мадинагъа бара. Сыйле ерлеге бармагъа, динибизни аслу борчларыны бирисин – гьаж къылмагъа –имканлыкъ берилген саялы, шу ажайып ниъмат саялы, Есибиз Аллагьгъа ﷻ битмес шюкюрлюк этемен.
Яратгъаныбыз Аллагь ﷻ бары да къурбан садагъаларыбызны, гьаж къылгъанлар кютген бары да адатланы ва оланы дуаларын къабул этсин! Амин.
Бусурманлар учун лап аслу байрам – Ид аль-Адханы гюнлеринде бютюн дюньяда амалсыз яшайгъанлагъа: тул къатынлагъа ва етим яшлагъа, сакъатлагъа, пакъырлагъа ва гьажатлылагъа кёмек этмеге деп, садагъа булан байлавлу хыйлы ишлер юрюле.
Этилген гьар рагьмулу ишибизни, гьар садагъабызны ва яхшы негетибизни Есибиз Аллагь ﷻ зувапгъа язсын, деп тилеймен ва жамиятгъа дагъыдан бек пайдалы этсин бизин. Миллетине ва динине къарамайлы, айлана якъдагъылагъа яхшы болмагъа Аллагь ﷻ насип этсин бизге!
Дюньяда тез-тез парахатлыкъ болгъанны, умуми жамиятыбызны гьар тюрлю балагьлардан сакъласын ва парахатлыкъ яшавлукъ берсин, деп алгъыш этемен Есибизге. Бары да дуаларыбызны, къурбан ва оьзге садагъаларыбызны къабул этсин, гюнагьларыбыздан гечсин ва насипден, берекетден, парахат яшавлукъдан сююндюрсюн, деп Яратгъаныбыздан тилеймен.
Аявлу къардашлар, бирдагъы керен сыйлы Къурбан-байрамыбыз булан къутлайман сизин! Ид аль-Адха – мубарак!
