Шаабан 1447 г.
Ассаламу алейкум ва рагьматуллагьи ва баракатугьу!
Аявлу къардашларым ва къызардашларым! Кёп миллетли ва кёп динли Россия ватандашлары!
Гьакъ юрекден ва шат кюйде етишип гелген оразаны айы, Къуръанны, рагьмуну ва гечивню айы – сыйлы рамазан ай булан къутлайман сизин. Оьз къулларына Есибиз савгъат этген бу айрыча заман, ругь тазалыкъны, гьакъ юрекден товба этивню, иман беклешдиривню ва къылыкъланы оьр этеген заман.
Рамазан ай гьарибиз учун ярашывлукъну, рагьмулукъну, ювукъ адамларыбызны гьайын этивню ва агьлю аралыкъланы беклешдиривню, гьажатлылагъа, амалсыз яшайгъанлагъа ва етимлеге кёмек этивню заманы болсун.
Оьзге заманда да, бу сыйлы айны узагъында да хас асгер гьаракатда ортакъчылыкъ этеген, ватанны алдында борчун кютегенлер учун биз Яратгъаныбызгъа айрыча дуа булан ялбарабыз. Асгердеги уланларыбызны Есибиз сакъласын, олагъа ругь къаттылыкъ, къоччакълыкъ ва эсен-аман уьйлерине къайтмакъ берсин, гьар тюрлю яманлыкъдан сакъласын, ожакъларын чыдамлыкъ ва умут этив булан беклешдирсин.
Рамазан айны берекети гьар агьлюге тийсин, юреклерибизни иманны нюрю булан ярыкъ этсин, топурагъыбызны – парахат яшав, разилик ва бир-биревге гьюрмет этив булан толтурсун. Есибиз Аллагь ﷻ тутгъан оразаларыбызны, дуаларыбызны ва яхшы амалларыбызны къабул этсин. Амин!
