Тутгъан оразагъызны Аллагь ﷻ къабул этсин!
ДР-ны алимлерини Советини председатели, муфти шайых Агьмат-афанди ватаныбызны бусурманларын Оразабайрам булан къутлай
«Ассаламу алейкум ва рагьматуллагьи ва баракатугьу!
Аявлу къардашлар ва къызардашлар! Есибиз Аллагьгъа ﷻ шюкюрлюк этип, бек сююп ва хадиригизни билип саламлашаман сизин булан. Къутлайман сизин, Яратгъаныбыз Аллагь ﷻ бизге рамазан айны гёрюп, ону ичинде гьар тюрлю яхшы ишлер этмеге имканлыкъ бергени ва энни Ораза-байрам – Ид аль-Фитргъа сююнмеге болангъанлыкъ булан. Шону булан бирче Есибиз Аллагьгъа ﷻ жамият ораза ачывлар– ифтарлар, садагъа оьлешивлер, таравих намазлар къылмагъа болгъаныкъ саялы макътав этемен. Бу ва оьзге ниъматлар саялы Яратгъаныбызгъа даим ва дазусуз маъктавлар этмек нече де агьамиятлы, биз гьали-гьалилерде шо яхшылыкъланы кёбюсюнден къуру къалгъан эдик чи.
Олай да, Есибизге этеген гьар гюнлюк шюкюрлюкден къайры, яхшы ишлерибизни дагъыдандагъы юрютмеге чакъыраман. Рамазан айда болгъан чакъы кёп Къуръан охуй, ювукъ адамларыбызгъа кёмек эте, садагъа оьлеше эдик. Энниден сонг до шо яхшы амалланы къоймай, артын узатайыкълар. Рагьмулу Аллагьдан ﷻ Оьзю сюймейген ишлерден сакъланмакъгъа бизге гюч ва чыдамлыкъ берсин деп тилеймен, неге десе байрамны маънасы – гери урулагъан ишлерден сакъланмакъ ва Ону разилигин къазанмакъ.
Ораза тутувдан уллу шабагъатлар, Аллагьдан ﷻ къоркъув, напсдан уьст гелив ва бу дюньялыкъны леззетлерине алданмай сакъланмагъа болув булан етишмеге болур. Гьакъ герти насипликге Сыйлы Къуръанны калимасына ва Пайхаммарны r сюннетине гёре юрюйген инсан лайыкълы болур. Гьюрметли къардашлар ва къызардашлар, Есибиз Аллагьдан ﷻ рамазан айдагъы бизин бары да яхшы ишлерибизни, олай да ораза тутгъаныбызны, секет тёлегенибизни ва таза негет булан этилген оьзгелени къабул этсин деп тилеймен. Бары да яхшы амаллар учун этилген ишлеригизге ва бир-бир себеплеге гёре этип болмагъанлагъа да Есибиз Аллагь ﷻ шабагъатын артдырып, къошуп берсин! Барыгъызгъа да Яратгъыныбзны рагьмулугъу, савлукъ, яхшылыкъ, берекет ва эки де дюньяда насип болсун деп ёрайман. Амин».
