Къурбан байрам къутлу болсун!
Ассаламу алейкум ва рагьматуллагьи ва баракатугь.
Аявлу къардашлар ва къызардашлар!
Уллу байрамыбыз Къурбан байрам булан гьакъ юрекден къутлайман сизин.
Бу сыйлы гюн Ибрагьим пайхаммарны оьр даражадагъы уьлгюсюн, ону гьакъ юрекден Яратгъаныбыз Аллагьгъа ﷻ берилгенлигин, негетлерини тазалыгъын ва Еси учун лап аявлусун къурбан этмеге гьазирин эсибизге сала.
Къурбан байрам юреклерибизни оьктемликден ва гюнчюлюкден тазалама, къардаш аралыкъларыбызны беклешдирме, рагьмулугъубузну артдырмагъа ва гьажатлыланы гьайын этмеге чакъыра. Бу сыйлы гюнлерде къардашларыбызны ва ювукъ адамларыбызны гьайын этмеге, бир-бирибизге таяв болмагъа ва шатлыкъ яймагъа айрокъда агьамиятлы.
Бу йыл гьаж къылма болгъанлар саялы сююнебиз. Яратгъаныбыз оланы ибадатын къабул этсин, гюнагьларындан гечсин ва уьйлерине сав-саламат къайтарсын деп алгъыш этебиз.
Ожакъларындан ариде, хас асгер гьаракатда ватан борчун кютегенлер учун бу гюнлерде айрыча дуа этебиз. Есибиз Аллагь ﷻ оланы къоруп сакъласын, гюч ва чыдамлыкъ берсин ва ватанына эсен-аман къайтарсын деп тилейбиз.
Бу сыйлы байрам гьар агьлюге парахат яшавлукъ, иссилик ва берекет берсин, иманыбызны къатдырсын ва юреклерибизни шюкюрлюкден толтурсун.
Этген къурбан садагъаларыбызны, дуаларыбызны ва яхшы ишлерибизни Яратгъаныбыз къабул этсин, аврувлагъа савлукъ, гьажатлылагъа енгиллик, бары да адамлагъа парахатлыкъ берсин.
