Раби уль-аввал ай

Раби уль-аввал ай

Бир токътавсуз тилейик,

Аллагьгъа ﷻ ялбарайыкъ.

Пайхаммарны ﷺ да сююп,

Ачыкъ юзлю болайыкъ.

Къолубуздан тюшмесин

Яратгъанны Къуръаны,

Иманлы-динли болсун

Къызым булан уланым.

Етишген мавлет айны

Биз этейик абурун.

Бары да оьлгенлени

Нюрлю болсун къабуру.

Раби уль-аввал айда

Кёп охулсун мавлетлер,

Гьакъ ёллагъа тюз болсун

Гьалиги яш авлетлер.

Мавлетлер кёп охулсун

Раби уль-аввал айда,

Охулгъан мавлетлерден

Болажакъ бизге пайда.

Мавлетлер кёп охулсун

Асып исси ашлар да,

Мавлетлерден къувансын

Уллулар да, яшлар да.

Мугьаммат ﷺ уьммет учун

Арив дуа этейик.

Ахыратда, дюньяда

Гьар муратгъа етейик.

Багьавутдин Самадов