Яъжуж ва Маъжуж къавумлар
Яхыр заманны белгилерини бириси – оьзюню ёлунда бары да затны бузуп дамдагъырын чыгъартагъан Яъжуж (Гог) ва Маъжуж (Магог) къавумланы арагъа чагъыву, басгъыны.
«Гьакъ кюйде, Яъжуж ва Маъжуж гюнню ярыгъын гёрмеге аз къалагъан чакъы ерге ерли гьар гюн къаза (тамны тюбюнде). Шо заман оланы башчысы: «Къайтыгъыз, тангала узатарбыз», – деп айта. Яратгъаныбыз Аллагь ﷻ буса къазылгъан ерни ерине къайтара ва бирден-бир къатты эте. Шолай гьал къайтара-къайтара этилип туражакъ, оланы (чыкъмагъа) заманы гелгенче» (Ибн Мажжа, атТирмизи, аль-Гьаким).
Яъжуж ва Маъжуж къавумланы арагъа чыгъыву Есибиз Аллагь ﷻ булан белгиленген ва шо гьакъда Къуръанда язылгъан. Белгили йимик, олар Сорав алынагъан гюнню алдында чыгъажакъ ва ёлуну барышында бары да затны буза туруп юрюжек. Ислам дин юзлер, минглер йыллар алда болгъан ишлени гьакъында хабарлай, амма шо тарихи хабарлар гьалиги заманда да агьамиятлыгъын тас этмеген. Тарихде сакълангъан кюйде, асрулар бою халкълары да, пачалары да зулмучу ва адилсиз болгъан пачалыкълар оьмюр сюрген. Гьар шолай халкъгъа Есибиз эсгерилген яманлыкълагъа къаршы турагъан ва Аллагьгъа ﷻ таби болмагъа чакъырагъанланы йибере болгъан.
Яъжуж ва Маъжуж – эки къыр къавум. Оланы къылыгъы къыр жанланыки йимик ва олар айланасында яшайгъанлагъа къоркъув булан пелекет сала болгъан. Бу йырткъычлар хоншу халкълагъа чапгъынлар этип, мол тюшюмюн яллатып, адамларын буса, бирлерин оьлютюре, калгъанларын есирликге алып гете болгъан. Яъжуж ва Маъжуж къавумлар бийик тавланы тар къакъаларындан тюпге тюше болгъан. Есибиз Аллагь ﷻ бу къавумланы енгмек учун Зуль-Къарнайн пайхаммарны йиберген болгъан. Къуръанда Есибиз булай айта (маънасы): «Сонг ол (Зуль-Къарнайн) ёлун узатды. Тав ерлеге етишгенде ол тил англамай деп айтмагъа ярайгъан кюйдеги (башгъа тилде сёйлейгенлер) адамланы гёрдю. Олар: “Гьей, Зуль-Къарнайнt! Гертиден де, Яъжуж ва Маъжуж топуракъларыбызны дагъыта (зарал эте). Балики, биз сагъа гьакъ тёлесек, сен бизин олардан айырагъан бару тизерсен”, – деп айтды. Ол: “Сени Есинг магъа берген зат шондан яхшы (тёлежек гьакъдан артыкъ ва магъа шо гьажатлы тюгюл, мен шо баруну гьакъсыз тизермен). Магъа гючюгюз булан кёмек этигиз ва мен сизин олардан айырагъан баруну тизермен. Магъа темир гесек гелтиригиз”, – деп жавап берди. Шо темир булан эки тавну арасындагъы аралыкъны толтуруп, ол: “Яндырыгъыз ону (отну)”, – деди. Темир ялын йимик къызаргъанда, ол: “Иритилген багъыр гелтиригиз, шону бу аралыкъгъа тёкмеге болагъан кюйде”, – дей. Олар (Яъжуж ва Маъжуж къавумланы халкъы) шогъар (баругъа) минмеге де, тешмеге де болмады. Ол (Зуль-Къарнайн t): “Шу (бару) мени Есимден рагьмулукъ. Амма Есимни сёзю яшавгъа чыкъгъанда (Ахыр заман ювукъ болгъанда олар чыгъажакъ дегени) ер булан тенг этежек (баруну). Мени Есимни сёзю – гьакъ зат”, – деди» («АльКъагьф» деген сура, 92–98- нчи аятлар).
Ан-Навас ибн Саман етишдирген кюйде, Пайхаммар r Дажжалны Иса пайхаммар u оьлтюрген кюйню гьакъында булай хабарлагъан деп бар: «Шо заманда Есибиз Аллагь ﷻ Исагъа u: “Гьакъ кюйде, Мен къулларымны чыгъартдым, оланы оьлтюрмеге биревню де гючю ёкъ, ат-Тур (Палестина) деген тавгъа барып, оланы якъла”, – деп оюна гелтире».
Олар бийик тавлардан, терен къакъалардан чыгъып, Ер юзюнде янгыдан питне, балагьлар, къоркъувлар яяжакъ.Олар (Яъжуж ва Маъжуж) эби-саны ёкъ кюйде шонча да кёп болажакъ, гьатта башындагъылар Табарийа деген кёлню къырыйындан оьтюп барагъанда ондан ичип йибергенде, артдагъылар: «Шу ерде бир заманларда кёл болгъан», – деп айтажакъ. Олар уллу мезгиллени чалт кюйде оьтежек ва тез заманны ичинде Хамр (Палестина) деген тавгъа етишежек ва: «Биз Ер юзюндегилени барысын да оьлтюрдюк. Гьали кёкдегилени оьлтюрейик», – деп айтажакъ. Олар кёкге багъып окъларын йибережек, Есибиз Аллагь ﷻ буса шо окъланы учларын къангъа батдырып гери къайтаражакъ. Олар Иса пайхамарны u ва ону ёлдашларын къуршавлукъгъа алажакъ.Олар оьгюзню башын сюер эди (аш гьисапда) бизин гьарибиз гьали 100 динарны сюегенден артыкъ. Шо заманда Иса пайхаммар u ва ону ёлдашлары Есибизге ялбаражакъ. Есибиз Аллагь ﷻ дуаны къабул этип, оланы (Яъжуж ва Маъжуж) бойнуна тюелени танавларында болагъан йимик хуртланы явдуражакъ ва олар барысы да оьлежек. Ондан сонг пайхаммар ва ону ёлдашлары тавдан тюшежек ва Ер юзюнде оьлгенлени сюегинден таза бир къарыш ерни де тапмажакъ. Шо заман Иса пайхаммар u ва ону ёлдашлары Есибизге дагъы да тилежек ва Яратгъаныбыз тюелени узун бойнуна ошайгъан къушланы йибережек. Олар ийис болуп турагъан сюеклени алып Есибиз бакъдыргъан ерге ташлажакъ.
Ондан сонг Есибиз Аллагь ﷻ берекетли янгур явдуражакъ ва шо явун топуракъны тазалажакъ ва чечекленеген бавгъа айландыражакъ.
АДИЛ ИБРАГЬИМОВ
