Рамазан айны сыйладылар

Рамазан айны сыйладылар

Рамазан айны сыйладылар

Гьар макътавлар Аллагьу таалагъа болсун бизин шулай берекетли болгъан рамазан айгъа етишдиргени саялы. Къысгъа гюнлер, салкъын гюнлер, Аллагьу таала оьзю къабул этсин, савлугъу бар адамгъа ораза тутмагъа онгайлы вакъти.

 

Уьстюбюздеги йылда бир керен гелеген рамазан айны сыйлап, яшавубузда бир яхшы амал этмекни гьайындабыз. Ораза ачагъан заманда биз нечик сююнебиз, рамазан айны оразасын тутмакъны зувабы уллу йимик, ону ачдыргъан адамгъа да шолай зувабы тиегени юрекге балгьам болуп токътай.

Дагъы да бу айда садагъалар этмеге, бирев-бирёвню гёнгюн алмагъа, сююндюрмеге яхшыдыр. Къызылюрт шагьарда жума межитни янында къурулгъан чатырда шагьарлардан ва районлардан гелгенлер къол ялгъап, ораза ачагъанлагъа оьз янындан кёмегин болдурду.

Рамазан айда инсанлагъа шолай гьалда рагьмулу болмакъ да эдепни бир къылыгъыдыр деп ойлайман. Къызылюрт шагьарда республикабызны шагьарларындан ва районларындан чыгъып яшайгъан къумукълар аз тюгюл. Дейгеним, о гюнлерде мунда къумукълар жыйылып, тутгъан оразасын ачагъанлагъа аш-сув булан дегенлей садагъа гьисапда шо биз оьрде эсгерген рагьмулукъну болдурдулар.

Энни шолай аслам кёмек къолун ялгъагъанланы арасында темиравуллу Сайпутдин ва Гьамзат Жакъавовланы, яхсайлы Артур Акавовну ва Залимхан Батырбиевни, Стальский юртдан Гьанипа Мамаевни ва Уллубий Жамаевни атларын эсгере туруп, ювукъ арада ерлешген юртланы жамиятыны атына да разилик сёзлер айтма сюемен.

Шо гюн мунда къурулгъан чатырны тюбюнде 1500 адам оразасын ачды. Этген садагъаларыгъызны, тутгъан оразаларыгъызны Аллагьу таала къабул этсин! Йылдан йылгъа да сабурлукъ-саламатлыкъ ва эсенлик-аманлыкъ булан етишме насип болсун!

Ифтарны вакътисинде Темиравулну имамы хапиз Давут Гьажиев, Арсланали-гьажи Аскеров (Чонтавул) ва Иманали Убардинов (Солтан-Янгыюрт) жыйылгъанлагъа рамазан айны сыйлылыгъы гьакъында насигьатлар этди.

Бойнуна алып, бу инсаплы ишни ахырына ерли чыгъаргъан Гьамзат Жакъавовгъа Къызылюрт шагьарны имамларыны Советини председатели Али Къасумов Баракалла кагъыз ва савгъат тапшурду.

 

2026-09-01 (Раби уль-аввал 1448 г) №9.


Насипни гёлеми

Арт вакътилерде адамлар къайдан да, гьатта интернетден де кёп зат сатып алагъан болгъан. Кёплер тарыкъ тюгюл затгъа ес болса да, алгъанындан ажайып сююне.   Алгъанындан сююнмек – гьар кимге де танывлу гьисдир, тек шо сююнювню даражасы бир йимик тюгюл: биревлер гьатдан озуп йибере,...


Атаны хадирин билмейбиз

Герти кюйде адамны хадирин, биз бир-бирде ондан айрылгъан сонг англама башлайбыз. Айтылма герекли сёзлер авуздан чыкъмай, юрекде къалып къалгъан гезиклер бола. Билдирме сюеген баракалла айтылмай, ерине етишмей къала.   Ата… Бу адам оьзюню гьислерин ачыкъ этмей, айтмай, тек ону гьар...


Байлыкъдан шашмас учун не этме герек?

Инсан уьстюнлюкге етишгенде къутуруп гетеген гезиклер бола. Байлыкъ адашдырып, шондан тайышып гетмес учун, не этме герекни гьакъында бугюнгю макъалабызда хабар этмеге сюебиз.   Гьалиги заманда бютюн дюнья къазанчны гьакъында оьтесиз кёп ойлаша, къуру бир пикруда – къайдан ва нечик...


Тиштайпалар бош заманын йибереген кюйлер

Гьар къатынгиши де яхшылыкъ гелтиреген ва жагьлыгъын артдырагъан билимге ес болма сюедир. Бош заманын пайдалы кюйде йиберме бажарагъан тиштайпа оьз пагьмусун арагъа чыгъарма да, къазанмагъа да бола. Биревлер не булан машгъул болмакъны биле, башгъалар не этейим деп токъташып битмеген. Хасиятына ва...


Сорав – жавап

– Юкге къоюлгъан (залог) ва кредитни къайтарма болмагъанда банк оьзюне алгъан машинни банкдан сатып алмагъа яраймы? – Асламчылыкъ булан байлавлу ишлеге къошулма ярамайгъаны белгили, процентге берме ва алма гьарам. Бу лап авур гюнагьлардан санала. Амма банк берген акъчасын процентсиз...