Кёмек этеген сёзлер
Кёмек этеген сёзлер
Агьлю – токътавну билмейген мукъаятлы этилеген загьмат. Шо гьакъда чалышмаса, бары да затдан къуру къалмакъ бар. Гьар инсан башгъа-башгъа, гьар ким айлана якъны оьзтерече къабул эте ва бир-бирде бир сёз яман натижагъа гелтирмеге яда, терсине, олжагъызны насипли этмеге бола.
Аралыкъланы бузагъан да, аралыкъланы татувлу этеген де – сёз тагъымлар. Нени айтмагъа тюшмейгенни ва нечик айтса яхшы боларны бугюн охувчулагъа таклиф этебиз.
- – Сен бирт де уьй къуллукълагъа къошулмайсан.
– Сен болмасанг, уьй къуллукъланы кютмеге болмасман.
- – Сюйгенингни эт.
– Нени этмеге герекни гьакъында бирче ойлашсакъ, мени учун бек агьамиятлы.
- – Сёйлеме де сюймеймен сени булан.
– Къой, шу лакъыргъа бираздан къайтарбыз.
- – Сен яхшылыкъны англамайсан.
– Сен магъа шолай янашагъанда гёнгюм бузула.
- – Сен шону иш этип магъа ачувгъа этдинг.
– Сен мени хатиримни къалдырмакъ учун этмегенингни билемен.
- – Менден къайры дагъы кимге тарыкъсан?
– Сен лап яхшы адамсан.
- – Сен мени бир заманда да англамажакъсан.
– Бир-бирибизни англама къарайыкъ, мен сени булан ярашма ва шу гьалдан чыкъма сюемен.
- – Мен даим тюз айтаман ва бирт де янгылыш болмайман.
– Гечип къой мени, янгылыш болгъан эдим.
- – Мен ишлеймен, пуршав этме магъа.
– Бугюн ишим кёп, сени гьалынг нечикдир? Не иш этесен?
- – Сен мени насипли этмеге бажармайсан.
– Сен магъа адилсиз янашма, сен чи магъа бек аявлусан.
Олжагъыз сизге нечик аявлу экенин огъар эсине сала турмагъа ялкъмагъыз, ону сюегенин билдиригиз ва тарыкъ экенин айтыгъыз.
