Пайдалы гьиллалар

Пайдалы гьиллалар        

• Эгер эки янлы скотч тарыкъ болуп, уьйде шо ёкъ буса, гьамангъы лейкопластырни къолламагъа ярар. Шону учун, лейкопластырни минав йимик дёгерек этип бурабыз ва тарыкъ ерге ябушдурабыз. Шону кёмеги булан сынгъан оюнчакъны ярашдырмагъа яда тамгъа сурат илмеге бола. Тарыкъ болса, лейкопластырни бир-нече гесегин къоллама да ярай.

• Пердени итивсюз нечик тегишлемеге бола? Бир стакан сувгъа опуракъ учунгъу кондиционер (30 мл) къошуп, сув себелейген алатгъа тёгебиз ва сонг шону пердени, шаршавну уьстюне себелейбиз. Шолай этсе, о итив урулгъандай тегиш болар.
• Чайкъалагъан мебелни тюбюне кагъыз гесек салагъанны ким де биле. Амма кагъызны орнунда темир акъча салса, шо бек де болар, ишылып не учун салынгъанны маънасын да тас этмес, мебел де еринде къатты турар.
• Эгер крандан агъагъан сув темир раковинагъа тюшюп, яман аваз эте буса ва шогъар дагъы чыдамагъа сюймей бусагъыз, машинлер учун къолланагъан авазны аста этеген кагъызны (виброизолятор) къоллама боласыз. Шо кагъыздан тарыкъчагъын гесип, фен булан исси этип, тазалангъан темирге ябушдурабыз. Шолай этсе, сувну авазы нечакъы бек геле буса да, шо тая ва дагъы аваз этмей.
• Бир-бирине чырмалып къалмас учун, гьар тюрлю алатланы теллерин нечик сакъламагъа бола? Шону учун кагъыздан этилген чий явлукъну (полотенце) орталыгъын (втулка) къоллама ярай: гьарисинде бирер тел салмагъа бола.
• Гьамамдагъы гюзгю терлемесин учун, не этмеге герекни алда да язгъан эдик. Бугюн бирдагъы къайданы язабыз: киринме башлагъанча, гюзгюню уьстюне машинлени йыртыллатагъан алат себебиз (полироль). Киринип битгенде, гюзгюню бир керен къуру чюпюрек булан сыйпаса бола.
• Эгер сюйрюжибинлер уьйге гирмес учун къолланагъан челтирде (сетка) тешик болса, шону тырнакълагъа сюртеген лак булан бегетме бола. Тюсю ёкъ лакны къолласа, тамгасы къалмай, сюртюлген ери билинмежек.
• Бир-бирде ябушагъан затланы яда скотчну тамгасын тайдырма герек бола. Яшлар учунгъу майны къолласа, шолай тамганы тайдырмагъа къыйын болмас.

Юлия Зачёсова