Авараг ﷺ кIодо гьави
Авараг ﷺ кIодо гьави
Аварагасде ﷺ салават битIиялъул хиралъи нилъее баянаб жо буго. Гьабулеб гIамалалъулги гьелдаса бигьаяб батиларо, щайин абуни бокьараб гьабулеб гIамал жиндилъ ихлас батичIони Аллагьас ﷻ къабул гьабулареб буго.
Салаватал руго батIи-батIиял мурадазе гIололъун цIалулелги. Гьединаздасан ккола: балагь-къварилъиялдаса цIунизе цIалулеб. Гьелъул сигъа буго: «Аллагьумма салли гIала саййидина МухIаммадин бикулли салатин тухIиббу ва юсъалла бигьи гIалайгьи фи кулли вакътин юхIиббу ан юсъалла бигьи гIалайгьи. Аллагьумма саллим гIала саййидина МухIаммадин, бикулли саламин тухIиббу ан юсъала ма бигьи гIалайгьи фи кулли вакътин юхIиббу ан юсалла ма бигьи гIалайгьи, салатан ва саламан даимайни бидавамика гIадада ма гIалимта ва зината ма гIалимта ва мильа ма гIалимта ва мидада калиматика ва азгIафа азгIафи залика. Аллагьумма лакал хIамду ва лака шшукру казалика гIала залика фи кулли залика ва гIала алигьи ва асхIабигьи ва ихванигьи». Гьаб салават буго кIудияв имам ва аварагасул ﷺ наслуялъул чи, Сайид Муртаза МухIаммад бину МухIаммад Зубайдиясул «ИтхIафу садатил муттакъин» абураб тIехьалда рехсараб салават. Гьес абуна, гьаб салават 100 нухалъ битIарав чиясул улкаго хIинкъиялдаса цIунараблъун хутIулин.
Салаватги битIун гьабураб дугIаги нахъчIваларин, дунял-ахираталъул хIажатги тIубалила. Къиямасеб къоялъ нилъер аварагасде ﷺ бугеб гIагарлъиги хал гьабулила гIемер салават битIулездалъун.
Аллагьас ﷻ къабул гьабеги щивасул гIамал, тавпикъги гьабеги авараг ﷺ гIемер рехсезе.
