Аслияб гьумералде

СагIид афандигун вукIана

СагIид афандигун вукIана

1977 cоналда Воронежалъул МЧСалъул училище лъугIун хадуб дун Дубкиялъул цIа свинабулезул отрядалъул начальниклъун тIамуна.

Гьенив цоабилеб караулалъул боецлъун хIалтIулев вукIана Ацаев СагIид. Эркенаб заманалда Къуръан цIалулел рукIунаан гьевги цокIиго чIикIасевги. Коммунистазул заман букIиндал, тIаде рачIарал хIакимзабазда рихьичIого рукIине, цо чIобогояб бакIалда, бацIцIун - чурун , гъоркь тIансаги тIамун, парахат гьаруна.

Цо заманалдасан, гьезул смена бугеб къоялъ вачIана МЧСалъул начальник, полковник Муталимов. Депоялда жаниб свери бахъулаго тIаде ккана гьезде. Гьал щалин гьикъидал, дица абуна лъай цIикIкIинабулел боецал ругин. ГIарабазул хIалбихьийищ гьаз лъазабулеб бугебиланги абун, полковникги ана. Гьесда бичIчIана гьеб исламияб диналда хурхараб букIин.

МахIачхъалаялда, лъагIалил хIисаб кьолеб коллегиялда, полковник кIалъана Расуловасул цIа свинабулезул депоялда мажгит рагьун бугоанин. Жакъа какги ахIун, гIибадат гьабулеб бакIлъун лъугьун буго Дубкиялъул цIа свинабулезул депо. Гьари къабулав чи вукIун вуго Хасавюрталдаса (1977 сон) Госпожнадзоралъул капитан Шихабов Шихаб.

МАХIАМАД РАСУЛ РАСУЛОВ МИЯКЬОБ РОСУ

2026-06-01 (ЗулхIижа 1447 с.) №11.


ГӀараб мацӀалда мажлис

ДагъОгни шагьаралда бугеб шайих МухӀаммад-афанди Ярагъиясул цӀаралда бугеб мадрасалда тӀобитӀана гӀараб мацӀалда гӀелмуялъул мажлис. Гьелда гӀахьаллъана профессорал, студентал, гьалбал. ГӀемерал гӀасрабаз Дагъистаналда бусурбабазул диниябгун маданияб нахърателалъулъ кӀвар бугеб бакӀ кколеб гӀараб...


Бакъбаккул рахъалъул багьадур

ЦIар рагIарав бусурбабазул философ, тохтур, математик, Абу Наср МухIаммад ибн МухIаммад ибн Тархан Аль-Фараби Ат-Турки гьавуна Фараб шагьаралда (гьанже Казахстаналда бугеб Отырарстаналъул Турке районалъул Отрар шагьар) 874 миладияб соналъ. Гьижрияб 260 соналда.   Фарабида лъикI лъалеб...


Рос-лъади цоцазда хурхараб рахас

Ахирал соназда рос-лъади ратIа-лъиялъул вакъигIатал цIакъго гIемерлъулел руго. Хъизам биххиялъе бищунго гIемер рехсолеб гIиллалъунги ккола цоцазде бугеб рокьа-хинлъи дагьлъи, рос-лъадул гIумрудулаб гIамал-хасият чучлъи, лъикIаб-квешалъул тIалабго гьабунгутIи, къо хIехьезе бажарунгутIи, цогидазул...


Аллагьасукьа ﷻ хIинкъарав вац

Цебе заманалда цо бечедав чиясул вукIун вуго лъабго вас. Херлъидал инсул хIукму ккун буго жиндирго бечелъи лъималазда гьоркьоб бикьизе ва гьезда гьоркьоса цоявги вихьизавун, гьесухъ цогидалги гIенеккизе.   КIудияв васас инсуда абун буго, жив кIудияв вугелъул, бетIерлъи жинца гьабилин абун. Инсуца...


Бищун къадруяв

ГIадамазда гьоркьов бищун къадруяв хирияв МухIаммад авараг ﷺ гьавуна Маккаялда, милладияб календаралда рекъон, 571 соналъул рабигIул авал моцIалъул 12 къоялъул рогьалилъ.   Гьеб сон гIарабазда гьоркьоб лъалаан пилалъул сон абун, щайгурелъул, Йеменалъул хIаким Абрагьат КагIба биххизабизе...