ГIумруялде рагIад рехулеб буго

ГIумруялде рагIад рехулеб буго

БухIула, цIорола каранда дир ракI,

Кутакаб хIинкъиялъ цIорозаюла.

ГIодула, чвахула гIаданир берал,

Гьанже щиб босун дун нухда яхъиней?

Гьанже дир гIумрудул рагIаллъиялде,

РагIад рехун буго, бакъ унеб буго.

Ине хIадурлъулеб халатаб сапар,

ТIад чи вуссунареб хIинкъараб буго.

ХIалихьатаб черхалъ гIамал гьабичIин,

Гьанже гIодун хайир дие ккеларо.

КигIан юхIаниги ва цIорониги,

ЦIарал къоял индал гьаний теларо.

Тохлъукье вачIунев дов ГIизраилас,

Салимат, дун щванин лъазе гьабила.

Гьоркьов чи толарев, гурхIелги гьечIев,

Кинаб сипаталъдай дихъе вачIина?

Дуе гIумруялъул къоял лъугIанин,

ЦIалаца юхулеб рокъой йилъаян,

ЛъикIабги квешабги дуца гьабураб,

Дуйго батулелъуй щваян абила.

Бакъвараб гъотIода тIамах баларо,

ТIадбуссун гIумруги дие щвеларо.

Кинниги дир гьари, диналъул агьлу,

Гьабураб-таралда нуж тIаса лъугьа.

Мунагьал гIемерай лагъ йигин, Аллагь,

РухI бахъулеб гIужалъ мун гурхIагиха.

Дудаса нечараб хIал бугониги,

Я РахIману РахIим, мунагьал чуре.

Салимат Шабанова,

НакIикь росу, Шамил район