Сагlид афандиясде

Сагlид афандиясде

Устар чlванин абун чlегlераб хабар
Чlораллъун речlчlана иман бугезда.
Шайих шагьидлъанин абураб хабар
Рагlана тlолабго Дагъистаналда.

Устарзабазулги устар вукlанин,
Дуде квер борхизе кинандай кlвараб?
Дагъистаналъулго эмен вукlанин,
Лъихъа бажарараб дуеги къор гъун.

Алжаналъул агьлу, баркаталъул хан,
Баракат гьанибго тун арав ватаги.
Дунял-гlаламалда гlелмуги малъун
Мун гьедин хвелилан хиял букlанищ?

Рекlей асар гьабун ислам бокьулел,
Дур вагlза-насихlат лъида кlоченеб?
Балагьарал бераз магlу кколареб,
Дур гьайбатаб сипат инищ цебеса!

Бидул гlорал руго гlалимзабазул,
Магlил гlорал руго Дагъистаналда.
Гlодулеб, угьдулеб буго дир улка,
Тушман ватулареб гьаб питна-хlуралъ.

Шукру Аллагьасе, Алхlамдулиллагь,
Къадар Халикъасул гьедин батидал.
Алжан насиб гьабе, я Расулуллагь,
Шагьидаллъун хварал гlалимзабазе.

Баракат, шафагlат Сагlид-афанди,
Рехун тоге, устар, дур муридзаби.
Абадияб рокъове мун ананиги
Мун хвел гьечIев вуго, хирияв шайих.

ГIИСА МУХIАММАДОВ, ТIИДИБ РОСУ