Аслияб гьумералде

Дагъистаналъул студентал – бищун лъикIал

Дагъистаналъул студентал – бищун лъикIал 

Дагъистаналъул студентал – бищун лъикIал

21 октябралда Казаналда тIобитIана исламияб гӀелмуялъул ва гӀараб мацӀалъул рахъалъ IV Халкъазда гьоркьосеб олимпиадаялъул хӀасилал гьариялъул тадбир. Бергьаразе кьуна шапакъаталги.

Цебесеб къоялъ Россиялъул исламияб институталда тӀоритӀана интеллектуалиял челленджал. ГӀахьалчагӀаз жидерго лъай бихьизабуна ункъо категориялда: «Исламалъул аслу», «ГӀараб мацӀ», «Исламияб къанун (ХӀанафил мазгьаб)» ва «Исламияб къанун (ШафигӀияб мазгьаб)».

Гьеб конкурсалда гӀахьаллъана Россиялъул исламиял вузазул студентал, гьединго, 15 улкаялъул вакилзаби – Турциялъул, Пакистаналъул, Индиялъул, Малайзиялъул, Индонезиялъул ва СНГялъул. «Исламияб къанун (ШафигӀияб мазгьаб)» абураб категориялда кӀиабилеб бакӀ щвана Дагъистаналъул гуманитарияб институталъул студент ГӀабдулхӀамидов МухIаммадие. «Диналъул аслу» абураб бутӀаялда лъабабилеб бакӀ щвана Дагъистаналъул гуманитарияб институталъул студент КаримахӀамадов ГӀабдулае. Ункъабго категориялда призал щвана Дагъистаналъул исламияб университеталъул студентазе. «Исламияб къанун (ШафигӀияб мазгьаб)» абураб категориялда тӀоцебесеб бакӀ ккуна МахӀмуд Юшаевас, «ГӀараб мацӀ» абураб категориялда тӀоцебесеб бакӀ ккуна ГӀали Мейриевас, «Диналъул аслу» абураб категориялда кӀиабилеб бакӀ ккуна МахӀмуд ГъазимухӀамадовас ва «Исламияб къанун (ХӀанафил мазгьаб)» категориялда лъабабилеб бакI ккуна ГIали Боташевас.

Университеталъул администрациялъ баркана студентазда ва мугӀалимзабазда гьезул бергьенлъи.

2026-10-01 (РабигIул ахир 1448 с.) №19.


Аварагасул ﷺ гIумруялдаса

МухӀаммад авараг ﷺ ккола ТӀадегӀанав Аллагьас ﷻ тӀаса вищарав ва бищунго Гьесие вокьулев авараг. Гьесул тIокIлъиялъе гӀоло ТӀадегӀанав Аллагьас ﷻ рухӀал рижараб къоялъ, цогидал аварагзабазеги щвана авараглъиялъул бутӀа ва гьел лъугьана инсанияталда гьоркьоса тӀаса рищараллъун.   МухIаммад...


Баркала, лъикӏал гӏадамазе

Аллагьасул кумекалдалъун дицаги хъизан Бариятицаги исана хӏеж борхана.Тӏоцебе хирияб ракьалде сапар бухьунев щивав чиясул букӏунеб батила ургъел, рекӏел рахӏатхвей. Амма нижер къукъаялъе битӏккана: къукъаялъе нухмалъулев, Унсоколо районалъул Хъахӏабросулъа Гъазиясул Мухӏаммад-хӏажи ватана кутакалда...


Хваразде зиярат гьаби

МухIаммадамин ал-Курдияс «Танвирул къулуб» абураб тIехьалда хъвалеб буго: «Бихьиназе суннатаб буго бусурбабазул хабалазде зиярат гьабизе, хвелги ахиратги ракIалде щвезе, ракIалъул пасалъи къачIазе ва жинца цIалараб Къуръаналдалъун хварасе пайда щвеялъул мурадалда», -...


Суал-жаваб

Лъималазда ццим бахъиндал гьабураб хьами къабуллъизе рес бугищ? Аварагасул ﷺ хIадисазда гIемер ратула эбел-инсуца лъималазе гьабураб дугIа Аллагьас ﷻ къабул гьабулин абун. Гьединлъидал, ццим бахъараб мехалъ абураб бугониги, къабуллъизе рес буго. Тирмизияс бицараб хIадисалда буго: «Лъабго...


Аллагьасе ﷻ рокьуларел

Исрап гьаби какун буго кинабго жоялъулъ. Гьелде кIвар кьезе ккола бусурманчияс. Щайгурелъул, жакъа исрап гьабулеб буго кваналеб кванилъ, гьекъолеб жоялъулъ. Кваналев чиясул столалда тIад букIуна чанго батIияб нигIмат. РетIунеб ратIлилъ гьабулеб исрапалъул пикру гьабе. Щивасул батула чанго соналъ...