Гьаб гурищ доб, ахирзаман
Гьаб гурищ доб, ахирзаман
КIудиязул адаб гьитIиназ тараб,
ГьитIиназул тIалаб кIудияз тараб,
Лъималаздегицин улбул регIичIеб,
Гьабцин гуребдай доб, ахираб заман.
ГIадамал чарлъараб, чилъи лъугIараб,
Чорхолъ намус-яхIги лъилго хутIичIеб,
РитIухълъидул каву кибего къараб,
Гьабцин гуребдай доб, ахираб заман.
Гьудулин ккаравги гьудул ватичIеб,
ГIагаравин тарав гIадан ватичIеб,
Гьудуллъи лъугIараб, гIадлу кIочараб,
Гьабцин гуребдай доб, ахираб заман.
