ГIагараб росу
ГIагараб росу
Имам Шамилица гьоболлъи бараб
Гьайбатаб расалъи бесдаллъун буго.
Гьев жанив рещтIарал гьитIинал рукъзал,
Умумулги лъугIун пашманго руго.
Я садакъа кьезе, я салам кьезе
Кьерилал лъугIараб Дарада росу.
Хварал, чIагоязе дугIа гьабизе
Чиго хутIичIеб дир инсул росу.
Дун пашманго йиго, къваридго йиго,
ГурхIулев, ХIалимав, Къудратав Аллагь,
Хириял умумул рази гьарулел
Наслабаз дир росу бечед гьабеги.
Хварал-чIагоязе дугIа гьабизе
ГIалимзаби камун ниж хутIугеги.
Кьурал нигIматазе щукруги гьабун,
Гьабунщинаб гIамал къабул гьабеги.
