Хъвай, «Ас-салам» казият

Хъвай, «Ас-салам» казият

Казият хъварабищ бачIунеб соналъ?
Исламалъул ахIи щолебищ нужехъ?
Пайдаяб гIелмудал хазинаялъул
БутIа бачIунебищ нужер рокъобе?
«Ас-салам» газета - къимат кIудияб,
Гьеб хъван цониги чи пашманлъуларо.
ХIабибасул ирсил, лъугIиго гьечIеб
БутIа буго щибаб моцIалъ бачIунеб.
Ирсилавлъун дуе бокьун батани,
Гьеб бутIа рокъобе щвезе кканани,
Хъвай газет «Ас-салам», гьабе подписка,
ЛъагIалица вуго мун мутагIиллъун.
ГIелму цIалулаго дуниял тани,
Аварагзабазул гьалмагъ мун ккола.
Мубтадиълъун вукIун рухI босанани,
Аллагьасул малайк щвела дарс кьезе.
ГIелмугин тIабигIат - гьеле доб кIиго
Исламалъул кьучIда букIине кколеб.
ГIелмуялъ малъула, гIамал гьабула,
ТIабигIаталъ хIасил бихьизабула. 
ЦIале вацал, цIале, «Ас-салам» газет, 
КIвахIаллъуге, воре, пайда босизе. 
Гьелъухъ кьолеб гIарац гIемерлъун бихьун,
Нужерго хвасарлъи нахъе рехуге.

МухIаммад НурмухIаммадов, ГIахьалчIи росу