Имамзабазул наиб

ГъазимухIаммадие жаваб гьабурав,
ХIамзатил заманалъ яхI цIакъ бахъарав.
Шамил имамасул байрахъалда гъоркь
АнцIго сон наиблъун, Анкьракь цIунарав.

Шамил имамасе нухлъун букIине,
Жигьадалде арав, шагьид лъугьарав.
ЦIоралъул рахъалда тушбаби гъурун,
Хъала бахъулаго жив чIварав наиб. 

Батирилазул ГIумар, МухIаммадил вас,
Барка, дуда рохел, битIараб нух кквей.
Наиблъи гьабизе нахъа рукIарал,
Нужедаги барка, анкьракьалъулал. 

Гьелдаса нахъеги руго муридал,
Жидер шайихасул ишара гIолел.
Бергьана, бергьуна, бергьине руго,
ХIакъикъиял лагъзал бергьуна кирго.

Сайфуллаагь-къадигун ХIасан-афанди,
Большевик-меньшевик цере риччачIел.
СагIид-афандигун СайидмухIаммад,
Вагьабиюназул мугъал рекарал. 

АхIмад-афандигун ниж-бусурбаби,
Дунял бихханиги дин мисаллъарал...

КЪУРАМУХIАММАДИЛ ВАС МУХIАММАД, БАБАЮРТ РАЙОН, ЖУМРУТ РОСУ